| Married Life Ki First Stage: Nayi Nayi Shadi Hui Hai. Husband Office Jaane Se Pehle Shave Kar Raha Hai Aur Shave Karte Karte Usko Blade Lag Jaata Hai. Uske Munh Se Halki Si Aaah Nikalti Hai. Nayi Naveli Patni Kitchen Se Bhaagti Hui Aati Hai Aur Puchti Hai: Kya Hua ??? Pati Bade Hi Normal Tareeke Se Kehta Hai: Kuch Nahin Darling, Blade Se Halka Sa Cut Lag Gaya. Patni Jaldi Se Dettol Laakar Laga Deti Hai Aur Bade Dukhi Se Swar Mein Boli: Kitna Saara Blood Nikal Gaya. Aaj Aap Office Mat Jayiye, Ghar Pe Rest Kijiye. Ghar Se Hi Kaam Kar Lijiye Laptop Se... Hai Ram Kitna Dard Ho Na Raha Hoga? Married Life Ki Second Stage: Ab Bachche Ho Jaate Hain. Husband Roz Ki Tarah Office Jaane Se Pehle Shave Kar Raha Hai Aur Shave Karte Karte Usko Blade Lag Jaata Hai. Husband Hone Wale Dard Se Bhi Tez Chillaya: Ufffff... Menuuu.... Blade Se Cut Lag Gaya. Aap Bhi Na!!?? Itne Saal Ho Gaye Aapko Shave Banate Banate Per Abhi Tak Aapko Dhang Se Shave Karna Nahin Aaya. Ye Lo Phitkari, Laga Lo. Main Aapka Aur Bachchon Ka Khana Ready Kar Rahi Hun. Patni Jhallate Hue Phitkari Patakte Hue Wahan Se Chali Gayi. Married Life Ki Third Stage: Bachchon Ki Marriage Ho Chuki Hai. Husband Retire Ho Chuke Hain Lekin Aur Unhe Abhi Bhi Subah Shave Karne Ki Aadat Hai. Aur Aaj Phir Shave Karte Karte Unko Blade Lag Jaata Hai. Haiii... Mar Gayaaaa......!!! Arey Pappu Ki Mummy Kahan Hai Tu ? Kyun Chilla Rahe Ho Itna Gal Phaad-Phaad Kar... Blade Hi Laga Hai Koi Talvaar Toh Nahin Lagi? Kitni Baar Kaha Hai Ki Ab Apne Aap Shave Mat Kiya Karo. Naai Se Karwa Liya Karo Per Tumhe Toh Is Budhaape Mein Bhi Jawaan Banne Ka Bhoot Chada Rehta Hai. Almari Mein Dettol Ya Phitkari Padi Hogi Laga Lo. |