Tera Ghuroor Mere Zabt Ka Sawaal Raha;
Bikhar Bikhar Ke Tujhe Chahna Kamaal Raha!
Suraj Hun Zindagi Ki Ramaq Chhod Jaunga;
Main Doob Bhi Gaya To Shafaq Chhod Jaunga!
*Ramaq: The last gasp
Sunne Wale Ro Diye Sun Kar Mareez-e-Gham Ka Haal;
Dekhne Wale Taras Kha Kar Dua Dene Lage!
Koi Naam Hai Na Koi Nishaan Mujhe Kya Hua;
Main Bikhar Gaya Hun Kahan Kahan Mujhe Kya Hua!
Kisi Ko Kya Bataun Kaun Hun Main;
Ki Apni Dastaan Bhoola Hua Hun!
Saath Chalta Hai Koi Aur Bhi Su-e-Manzil;
Mujh Ko Dhokha Mere Naqsh-e-Kaf-e-Pa Dete Hain!
*Naqsh-e-Kaf-e-Pa: Footprints
Bijli Giregi Sehn-e-Chaman Mein Kahan Kahan;
Kis Shakh-e-Gulistan Pe Mera Ashiyan Nahin!
Buri Sarisht Na Badli Jagah Badalne Se;
Chaman Mein Aa Ke Bhi Kaanta Gulab Ho Na Saka!
Yeh Sard Raat Yeh Aawargi Yeh Neend Ka Bojh;
Hum Apne Shehar Mein Hote To Ghar Chale Jaate!
Log Dete Rahe Kya Kya Na Dilase Mujh Ko;
Zakhm Gehra Hi Sahi Zakhm Hai Bhar Jayega!