Aankhon Mein Haya Ho Toh Parda Dil Ka Hi Kaafi Hai;
Nahi To Naqaab Se Bhi Hote Hain, Ishaare Mohabbat Ke!
Dil Ko Us Raah Par Chalana Hi Nahi;
Jo Mujhe Tujh Se Juda Kar De!
Aafat To Hai Woh Naaz Bhi Andaz Bhi Lekin;
Marta Hun Main Jis Par Woh Ada Aur Hi Kuch Hai!
Chale Gaye Ho Door Kuch Pal Ke Liye;
Door Rehkar Bhi Kareeb Ho Har Pal Ke Liye;
Kaise Yaad Na Aaye Aapki Ek Pal Ke Liye;
Jab Dil Mein Rehte Ho Aap Har Pal Ke Liye!
Jo Burai Mere Naam Se Mansoob Hui;
Dosto, Kitna Bura Tha Mera Achha Hona!
Dil Mein Sama Gayi Hain Qayamat Kee Shokhiyan;
Do Chaar Din Raha Tha Kisi Kee Nigah Mein!
Raag Bajta Hai Rang Bajta Hai;
Pyaar Ka Ang Ang Bajta Hai;
Aap Jab Hansti Hain Janab-e-Wala Hazoor-e-Wali;
Aise Lagta Hai Ki Rooh Ka Jal Tarang Bajta Hai!
Ek Toote Hue Dil Ki Aawaaz Mujhe Kahiye;
Sur Jis Mein Hain Sab Gham Ke Woh Saaz Mujhe Kahiye;
Main Kaun Hoon Aur Kya Hoon Kiske Liye Zinda Hoon;
Main Khud Bhi Nahi Samjha Woh Raaz Mujhe Kahiye!
Aise Bichhdo Nahi, Sada Ke Liye;
Mujh Se Rootho Na Tum, Khuda Ke Liye;
Maine Manga Hai Bas Tumhein Rabb Se;
Haath Jab Bhi Uthe Dua Ke Liye!
Khamosh Raahon Mein Tera Saath Chahiye;
Tanhayi Hai Mere Hath Mein Tera Haath Chahiye;
Mujhko Mere Muqaddar Par Itna Yaqeen Toh Hai;
Tujhko Bhi Mere Lafz, Meri Baat Chahiye!
