| Ek Baar Tommy Naam Ka Kutta Apne Relatives Se Milne Shehar Chala Gaya. Tommy Se Milkar Sab Bade Khush Hue. Sabne Decide Kiya Ki Tommy Ko Shehar Dikhaya Jaaye. Bas Phir Kya Tha, Kutton Ka Jhund Tommy Ko Lekar Ghumne Nikal Pada. Saar Din Ghumne-Phirne Ke Baad Jab Jhund Ghar Pahuncha Toh Shaam Ho Chuki Thi, Tommy Kaafi Thak Gaya Tha Aur Usko Bhookh Bhi Lagi Thi. Tommy: Chacha, Bahut Zor Se Bhookh Lagi Hai, Kuch Intezaam Kar Do. Tommy Ka Chacha: Bhookh Lagi Hai? Chal Aa Hamare Saath, Tujhe Ek Party Mein Le Chalte Hain. Kutton Ka Jhund Tommy Ko Lekar Ek Park Mein Pahuncha Jahan Kuch Yaar Dost Party Kar Rahe The. Sab Baith Kar Dekhne Lage. Party Abhi Start Hui Thi. Sabke Haathon Mein Peg Tha. Yaaron Ne Apna-Apna Peg Khatam Kiya, Chicken Leg-Piece Khaya Aur Haddi Ko Dustbin Mein Daal Diya. Tommy: Chacha, Dustbin Se Haddiyaan Kaise Nikalein? Chacha: Abhi Ruk Thodi Der Aur Baitha Reh Araam Se. Thodei Der Yaaron Ne Dusra Peg Khatam Kiya Aur Is Baar Leg-Piece Kha Ke Haddiyon Ko Bahar Hi Phenk Diya. Bhukha Tommy Haddiyon Ko Dekhkar Lapka Per Chacha Ne Phir Pakad Ke Baitha Diya. Jab Yaaron Ne 2-3 Peg Aur Laga Liye Toh Leg-Piece Ko Aadha Kha Kar Phenkna Start Kar Diya. Leg-Piece Dekh Kar Tommy Phir Lapka Per Phir Se Chacha Ne Pakad Ke Baitha Diya. Tommy, Gusse Se: Kya Chacha, Ab Toh Haddiyon Ke Saath Meaal Bhi Hai, Ab Toh Khaane Do. Chacha, Hanste Hue: Beta, Yaaron Ko Ek-Ek Peg Aur Lagane De Phir Inke Saath Table-Chair Pe Baith Ke Khaayenge. |