-
![Ye Kya Tilism Hai Kyon Raat Bhar Sisakta Hun;<br/>
Wo Kaun Hai Jo Diyon Mein Jala Raha Hai Mujhe!]()
Upload to Facebook
~ Saqi FaruqiYe Kya Tilism Hai Kyon Raat Bhar Sisakta Hun;
Wo Kaun Hai Jo Diyon Mein Jala Raha Hai Mujhe! -
~ Saqi FaruqiWahi Aankhon Mein Aur Aankhon Se Poshidaa Bhi Rehta Hai;
Meri Yaadon Mein Ek Bhula Hua Chehra Bhi Rehta Hai;
Jab Us Kee Sard-Mehari Dekhta Hun Bujhne Lagta Hun;
Mujhe Apni Adakari Ka Andaza Bhi Rehta Hai;
Main Un Se Bhi Mila Karta Hun Jin Se Dil Nahi Milta;
Magar Khud Se Bichhad Jane Ka Andesha Bhi Rehta Hai;
Jo Mumkin Ho To Pur-Asraar Duniyaon Mein Dakhil Ho;
Ki Har Deewar Mein Ek Chor Darwaza Bhi Rehta Hai;
Bas Apni Be-Basi Kee Saatvi Manzil Mein Zinda Hun;
Yahan Par Aag Bhi Rehti Hai Aur Nauha Bhi Rehta Hai! -
~ Saqi FaruqiRaat Apne Khwab Kee Keemat Ka Andaza Hua;
Ye Sitara Neend Kee Tehzeeb Se Paida Hua;
Zehan Kee Zarakhez Mitti Se Naye Chehre Uge;
Jo Meri Yaadon Mein Zinda Hai Saraseema Hua;
Meri Aankhon Mein Anokhe Zurm Kee Tazveez Thi;
Sirf Dekha Tha Use Us Ka Badan Maila Hua;
Wo Koi Khushbu Hai Meri Saans Mein Behti Hui;
Main Koi Aansu Hun Us Kee Rooh Mein Girta Hua;
Us Ke Milne Aur Bichad Jane Ka Manzar Ek Hai;
Kaun Itne Fansalon Mein Be-Hijaab Aisa Hua!
