-
~ Ahmad FarazRanjish Hi Sahi Dil Hi Dukhane Ke Liye Aa:
Ranjish Hi Sahi Dil Hi Dukhane Ke Liye Aa,
Aa Phir Se Mujhe Chhod Ke Jaane Ke Liye Aa;
Kuch To Mere Pindar-e-Mohabbat Ka Bharam Rakh,
Tu Bhi To Kabhi Mujh Ko Manane Ke Liye Aa;
Pehle Se Marasim Na Sahi Phir Bhi Kabhi To,
Rasm-o-Rah-e-Duniya Hi Nibhane Ke Liye Aa;
Kis Kis Ko Batayenge Judaai Ka Sabab Hum,
Tu Mujh Se Khafa Hai To Zamane Ke Liye Aa;
Ik Umar Se Hun Lazzat-e-Girya Se Bhi Mehrum,
Ai Rqhat-e-Jan Mujh Ko Rulane Ke Liye Aa;
Ab Tak Dil-e-Khush-Fahm Ko Tujh Se Hain Ummeedein,
Ye Aakhiri Shamein Bhi Bujhane Ke Liye Aa! -
![Hum Se Pucho Ki Ghazal Kya Hai Ghazal Ka Fan Kya;<br/>
Chand Lafzon Mein Koi Aag Chuppa Di Jaye!]()
Upload to Facebook
~ Jaan Nisar AkhtarHum Se Pucho Ki Ghazal Kya Hai Ghazal Ka Fan Kya;
Chand Lafzon Mein Koi Aag Chuppa Di Jaye! -
~ Ahmad FarazDil Giraftaa Hi Sahi:
Dil Giraftaa Hi Sahi Bazm Saja Li Jaye,
Yaad-e-Janan Se Koi Shaam Na Khaali Jaye;
Rafta-Rafta Yahi Zandaan Mein Badal Jate Hain,
Ab Kisi Shehar Ki Buniyaad Na Daali Jaye;
Mushaf-e-Rukh Hai Kisi Ka Ki Beyaaz-e-Hafiz,
Aise Chehre Se Kabhi Faal Nikaali Jaye;
Woh Murawwat Se Mila Hai To Jhukadun Gardan,
Mere Dushman Ka Koi Waar Na Khaali Jaaye;
Be-Nawaa Shehar Ka Saaya Hai Mere Dil Pe 'Faraz',
Kis Tarah Se Meri Aashufta Khyaali Jaye! -
~ Rahat IndoriDilon Mein Aag:
Dilon Mein Aag Labon Pe Gulaab Rakhte Hain,
Sab Apne Chehron Pe Dohre Naqaab Rakhte Hain;
Humein Chirag Samajh Kar Bujha Na Paaoge,
Hum Apne Ghar Mein Kayi Aaftaab Rakhte Hain;
Bahut Se Log Ke Jo Harf-Aashna Bhi Nahi,
Isee Mein Khush Hain Ke Teri Kitaab Rakhte Hain;
Ye Maiqada Hai, Wo Masjid Hai, Wo Hai But-Khana,
Kahin Bhi Jaao Farishte Hisaab Rakhte Hain;
Humare Shahar Ke Manjar Na Dekh Payenge,
Yahan Ke Log Aankhon Mein Khwab Rakhte Hain! -
~ Bahadur Shah ZafarKabhi Aisi Toh Na Thi:
Baat Karni Mushkil Kabhi Aisi Toh Na Thi,
Jaisi Ab Hai Teri Mehfil Kabhi Aisi Toh Na Thi;
Le Geya Cheen Ke Kaun Aaj Tera Sabr-o-Qarar,
Be-Qarari Tujhe Ae Dil Kabhi Aisi Toh Na Thi;
Teri Aankhon Ne Khuda Jane Kya Kya Jadoo,
Ki Tabiyat Meri Mayal Kabhi Aisi Toh Na Thi;
Kya Sbab Tu Jo Bigarta Hai Zafar Se Har Bar,
Kho Teri Hoor Shmail Kabhi Aisi Toh Na Thi! -
~ Bulleh ShahCharde Suraj:
Charde Suraj Dhalde Vekhe,
Bhuje Deewe Balde Vekhe;
Heere Da Koi Mull Na Taare,
Khote Sikke Chalde Vekhe;
Jinha Da Na Jag Te Koi,
Oh Vi Puttar Palde Vekhe;
Ohdi Rehmat De Nal Bande,
Pani Utte Chalde Vekhe;
Loki Kehnde Daal Nahi Galdim,
Main Te Patthar Galde Vekhe! -
Itni Bechaini Se Tumko:
Itni Bechaini Se Tumko Kiski Talaash Hai,
Woh Kaun Hai Jo Teri Aankhon Ki Pyaas Hai;
Jabse Mila Hun Tumse Yehi Sochta Hun Main,
Kyon Mere Dil Ko Ho Raha Tera Ehsaas Hai;
Zindgi Ke Is Mod Pe Tum Aake Humse Yun Mile,
Jaise Ki Koi Manzil Mere Itne Paas Hai;
Ek Nazar Ki Aas Mein Taakta Hun Main Tujhe,
Ab Dekh Tere Khatir Ek Aashiq Udaas Hai! -
Justju Jiski Thi Usko:
Justju Jiski Thi Usko Toh Na Paya Humne,
Iss Bahaane Magar Dekh Li Duniya Humne;
Tujhko Ruswa Na Kiya Khud Bhi Pashemaan Na Hue,
Ishq Ki Rasm Ko Iss Tarah Nibhaya Humne;
Kab Mili Thi Kahan Bichhadi Thi Humein Yaad Nahi,
Zindagi Tujh Ko Toh Bas Khwab Mein Dekha Humne;
Ai Ada Aur Sunaye Bhi Toh Kya Haal Apna,
Umra Ka Lamba Safar Tay Kiya Tanha Humne! -
Chalne Bhi Do Ye Qissa:
Chalne Bhi Do Ye Qissa Abhi Kuch Din Aur,
Rehne Do Rasm-e-Wafa Abhi Kuch Din Aur;
Aankhon Mein Hain Uske Khwab Abhi Taza-Taza,
Na Dekhna Gair Ko Gawara Abhi Kuch Din Aur;
Dil Ki Barbadiyon Mein Bhi Hain Lazztein Ishq Ki,
Mujhe Na Hai Hona Achha Abhi Kuch Din Aur;
Main Jaanta Hun Tum Tagaful Hi Karoge Barha,
Phir Bhi Chahta Hun Kehna Abhi Kuch Din Aur;
Tumhein Gar Raas Hai Barbadi Dil Ki To Phir,
Chalne Do Ye Silsila Abhi Kuch Din Aur! -
~ Jon EliaKab Uska Visaal:
Kab Uska Visaal Chahiye Tha,
Bas Ek Khayaal Chahiye Tha;
Kab Dil Ko Jawaab Se Gharaz Thi,
Honthon Ko Sawaal Chahiye Tha;
Shauq Yeh Nafas Tha Aur Wafaa Ko,
Paas-e-Mah-o-Saal Chahiye Tha;
Ek Chehra-e-Sadaa Tha Jo Hum Ko,
Be-Misl-o-Misaal Chahiye Tha;
Ek Karb Mein Zaat-o-Zindagii Hain,
Mumkin Ko Mahaal Chahiye Tha!
