Gham Aur Khushi Mein Farq Na Mehsoos Ho Jahan;
Main Dil Ko Us Muqaam Pe Lata Chala Gaya!
Khud-Darion Ke Khoon Ko Arzan Na Kar Sake;
Hum Apne Johron Ko Namyan Na Kar Sake;
Kis Darza Dil Shakan They Mohabbat Ke Haadse;
Hum Zindagi Mein Phir Koi Arman Na Kar Sake!
Woh Jo Geet Tum Ne Suna Nahi;
Meri Umar Bhar Ka Riaz Tha;
Mere Dard Ki Thi Dastan;
Jise Tum Hansi Mein Uda Gaye!
Zamane Walon Se Chup Ke Rone Ke Din Nahi Hain;
Use Yeh Kehna Udaas Hone Ke Din Nahi Hain;
Main Jaan Sakti Hun Wasal Mein Asal Bhed Kya Hai;
Magar Haqeeqat Shnas Hone Ke Din Nahi Hain!
Marne Ka Tere Gham Mein Iraada Bhi Nahi Hai;
Hai Ishq Magar Itna Zyaada Bhi Nahi Hai!
Palkon Par Ruka Hai Samandar Khumaar Ka,
Kitna Ajab Nasha Hai Tere Intezaar Ka!
Bas Yun Hi Umeed Dilate Hain Zamane Wale;
Kab Laut Ki Aate Hain Chhod Kar Jaane Wale!
Maut-o-Hasti Ki Kash-m-Kash Mein Kati Tamaam Umar,
Gham Ne Jeene Na Diya Shauq Ne Marne Na Diya!
Teri Hi Justju Mein Jee Lee Ek Zindagi Maine,
Gale Mujhko Lagakar Khatam Saanson Ka Safar Kar De!
Jaan Dene Ko Kaha Maine Toh Hans Kar Bole,
Tum Salamat Raho Har Roz Ki Marne Wale;
Aakhiri Waqt Bhi Pura Na Kiya Vada-e-Wasl,
Aap Aate Hi Rahe Mar Gaye Marne Wale!