Shaam Pade So Jane Wala Deep Bujha Kar Yaadon Ke;
Raat Gaye Tak Jaag Raha Tha Pehli Pehli Baarish Mein!
Ghar Se Bahar Nahi Nikla Jata;
Roshni Yaad Dilati Hai Teri!
Kya Sitam Hai Ki Ab Teri Surat;
Ghaur Karne Pe Yaad Aati Hai!
Mausam-E-Gul Humein Jab Yaad Aaya;
Jitna Gham Bhule The Sab Yaad Aaya!
Is Qadar Roya Hun Teri Yaad Mein;
Aaine Ankhon Ke Dhundle Ho Gaye!
Duniya Mizaz-Dan-o-Mizaz-Ashna Na Thi,
Duniya Ke Paas Zehar Bahut Tha Dawa Na Thi;
Roshan Tha Dil Mein Sirf Kisi Yaad Ka Charagh,
Ghar Mein Koi Bhi Roshni Us Ke Siwa Na Thi!
Kar Raha Tha Gham-e-Jahan Ka Hisab;
Aaj Tum Yaad Be-Hisab Aaye!
Koi Bhula Hua Chehra Nazar Aaye Shayad;
Aaina Ghaur Se Tune Kabhi Dekha Hi Nahi!
Tumhari Yaad Ke Jab Zakhm Bharne Lagte Hain;
Kisi Bahane Tumhein Yaad Karne Lagte Hain!
Isi Khandar Mein Mere Khwab Ki Gali Bhi Thi; Gali Mein Ped Bhi Tha Ped Par Samar Bhi Tha!
