Ye Gham Nahi Hai Ki Hum Dono Ek Ho Na Sake;
Ye Ranj Hai Ki Koi Darmiyan Mein Bhi Na Tha!
Main To Is Vaaste Chup Hoon Ki Tamasha Na Bane;
Tu Samajhta Hai Mujhe Tujh Se Gila Kuch Bhi Nahi!
Tere Vaadon Pe Kahan Tak Mera Dil Fareb Khaaye;
Koi Aisa Kar Bahaana Meri Aas Toot Jaaye!
Jo Tu Kahe To Shikayat Ka Zikr Kam Kar Den;
Magar Yaqeen Tere Vaadon Pe La Nahi Sakte!
Agar Maujen Dubo Deti To Kuch Taskeen Ho Jaati;
Kinaaron Ne Duboya Hai Mujhe Is Baat Ka Gham Hai!
Gila Bhi Tujh Se Bahut Hai Magar Mohabbat Bhi;
Woh Baat Apni Jagah Hai Ye Baat Apni Jagah!
Bazm-e-Wafa Saji To Ajab Silsile Hue;
Shikve Hue Na Un Se Na Hum Se Gile Hue!
Karta Raha Woh Mujh Pe Sada Meharbaniyan;
Kuch Aur Dhundhti Rahi Main Meharban Mein!
Bas Isi Umeed Pe Hota Geya Barbad Main;
Gar Kabhi Bikhra To Aa Kar Tu Sambhalega Mujhe!
Na Koi Vaada Na Koi Yaqeen Na Koi Umeed;
Magar Humein To Tera Intezar Karna Tha!
