Hazaar Tarah Ke The Ranj Pichle Mausam Mein;
Par Itna Tha Ki Koi Saath Rone Wala Tha!
Firaq-e Yaar Ne Bechain Mujh Ko Raat Bhar Rakha;
Kabhi Takiya Idhar Rakha Kabhi Takiya Udhar Rakha!
Behta Aansu Ek Jhalak Mein Kitne Roop Dikhaye Ga;
Aankh Se Ho Kar Gaal Bhigo Kar Mitti Mein Mil Jaye Ga!
Na Koi Gham Khazan Ka Hai Na Hai Khwahish Baharon Ki;
Humare Saath Hai Amjad Kisi Ki Yaad Ka Mausam!
Hum Apni Rooh Tere Jism Mein Hi Chhod Aaye Faraz;
Tujhe Gale Se Lagana Toh Ek Bahana Tha!
Baith Kar Sochte Hain Ab Ki Kya Khoya Kya Paya;
Unki Nafrat Ne Tode Bahut Meri Wafa Ke Ghar!
Dil Jalao Ya Diye Aankhon Ke Darwaze Par;
Waqt Se Pehle Toh Aate Nahi Aane Wale!
Jo Tu Nahi Toh Ye Muqammal Na Ho Saken Ge;
Teri Yahi Ahmiyat Hai Meri Kahaniyon Mein!
Saya Bhi Tera Tujh Ko Kahin Chodd Jaye Ga;
Aaye Bhi Tere Kaam Toh Tanhai Aayegi!
Mujhe Ghuman Tha Chaha Bahut Zamane Ne Mujhe;
Main Aziz Sabko Tha Magar Zarurat Ke Liye!