Jis Ne Jala Ke Dil Mera Hijr Ki Shab Mita Diya,
Shamen Jalane Aaya Hai Ab Woh Sar-e-Mazar Kya;
Uth Gayi Jis Taraf Nazar Hashr Sa Ik Bapa Hua,
Un Ki Nigah-e-Naaz Hai Fitna-e-Rozgar Kya!
* Fitna-e-Rozgar: Mischievousness
Izhaar-e-Ishq Us Se Na Karna Tha 'Shefta';
Ye Kya Kiya Ki Dost Ko Dushman Bana Diya!
Dil Se Agar Kabhi Tera Armaan Jayega,
Ghar Ko Laga Ke Aag Ye Mehmaan Jayega;
Sab Honge Us Se Apne Taaruf Ki Fikr Mein,
Mujh Ko Mere Sukut Se Pehchan Jayega!
Dushmanon Ki Jafa Ka Khauf Nahi;
Doston Ki Wafa Se Darte Hain!
Baap Ka Hai Fakhr Wo Beta Ki Rakhta Ho Kamaal;
Dekh Aaine Ko Farzand-e-Rashid-e-Sang hai!
*Farzand-e-Rashid-e-Sang: Son of good stone
Tumhare Shehar Ka Mausam Bada Suhana Lage;
Main Ek Shaam Chura Loon Agar Bura Na Lage!
Sabhi Tarah Se Taaruf To Ho Gaya Unka,
Rahi Hai Ab To Mulaqaat Ru-ba-Ru Baaki;
Jo Bheed Bikhre To Dekhun Talab Ye Kaisi Hai,
Dayar-e-Ghair Mein Hai Kis Ki Justuju Baaki!
Hum Hain Sookhe Hue Talaab Pe Baithe Hue Hans;
Jo Taalluq Ko Nibhate Hue Mar Jaate Hain!
*Taalluq: Relation
Lafzon Ka Saeban Bana Lene Dijiye,
Sayon Ko Taq-e-Dil Mein Saja Lene Dijiye;
Gehre Samundaron Ki Tahen Mat Khangaliye,
Dil Ko Khuli Hawa Ka Maza Lene Dijiye!
*Taq-e-Dil: Niche Of Heart
Aurat Ke Khuda Do Hain Haqiqi O Majazi;
Par Us Ke Liye Koi Bhi Achha Nahin Hota!