Tilism-e-Gumbad-e-Garduun To Tod Sakte Hain;
Zujaaj Ki Ye Imaarat Hai, Sang-e-Khaara Nahi!
Tilism-e-Gumbad-e-Garduun: The magic dome that we consider is our sky (limit)
Zujaaj: Glass
Sang-e-khaara: Hard Stone
Baag Mein Le Ke Janam Hum - Ne Aseeri Jheli;
Hum Se Achhe Rahe Jungle Mein Jo Aazaad Rahe!
Aseeri: Imprisonment, Captivity
Ab Main Samjha Tere Rukhsaar Pe Til Ka Matlab;
Daulat-e-Husn Pe Darbaan Bitha Rakha Hai!
Rukhsaar: Cheek
Darbaan: Door Keeper
Mere Guzre Hue Tevar Abhi Bhooli Nahi Duniya,
Abhi Bikhri Hui Hain Har Taraf Parchaiyaan Meri!
Teri Rah-e-Talab Mein Zakhm Sab Seene Pe Khaaye Hain;
Bahaar-e-Gulsitaan Meri Hayaat-e-Jaavedaan Meri!
Mohabbat Mein Nahi Hai Farq Jeene Aur Marne Ka;
Usi Ko Dekh Kar Jeete Hain Jis Kafir Pe Dam Nikle!
Sookhe Hue Shajar Ko Paani Mila Nahi;
Aaj Sabz Hua Aangan Toh Barish Hone Lagi!
Shajar: Plant, Tree
Dil Mein Na Ho Jurrat Toh Mohabbat Nahi Milti;
Khairaat Mein Itni Badi Daulat Nahi Milti!
Aap Jin Ke Qarib:
Aap Jin Ke Qarib Hote Hain,
Vo Baḍe Ḳhush-Nasib Hote Hain;
Jab Tabiyat Kisi Par Aati Hai,
Maut Ke Din Qarib Hote Hain;
Mujh Se Milna Phir Aap Ka Milna,
Aap Kis Ko Nasib Hote Hain;
Zulm Seh Kar Jo Uff Nahi Karte,
Un Ke Dil Bhi Ajeeb Hote Hain;
Ishq Mein Aur Kuch Nahi Milta,
Saikḍon Gham Naseeb Hote Hain;
Nunh Ki Kadar Koi Kya Jaane,
Kahin Aise Adeeb Hote Hain!
Sar Salamat Liye Laut Aaye Gali Se Uski;
Yaar Ne Hum Ko Koi Dhang Ki Khidmat Nahi Di!