Tumhare Paas Hun Lekin Jo Doori Hai, Samjhta Hun,
Tumhare Bin Meri Hasti Adhoori Hai, Samjhta Hun;
Tumhein Main Bhool Jaungaa Yeh Mumkin Hai Nahi Lekin,
Tumhi Ko Bhoolna Sabse Zaroori Hai Samjhta Hun!
Parakhna Mat Parakhne Mein:
Parakhna Mat Parakhne Mein Koi Apna Nahi Rehta,
Kisi Bhi Aaine Mein Der Tak Chehra Nahi Rehta;
Bade Logon Se Milne Mein Hamesha Faansla Rakhna,
Jahan Dariya Samandar Mein Mile Dariya Nahi Rehta;
Hazaaron Sher Mere So Gaye Kaghaz Ki Qabron Mein,
Ajab Maa Hun Koi Bachha Mera Zinda Nahi Rehta;
Tumhara Shehar Toh Bilkul Naye Andaaz Wala Hai,
Hamare Shehar Mein Bhi Koi Hum Sa Nahi Rehta;
Mohabbat Ek Khushbu Hai Hamesha Saath Chalti Hai,
Koi Insaan Tanhayi Mein Bhi Tanha Nahi Rehta;
Koi Baadal Hare Mausam Ka Phir Elaan Karta Hai,
Khiza Ke Baag Mein Jab Ek Bhi Patta Nahi Rehta!
Jab Tak Mile Na The Judaai Ka Tha Malaal;
Ab Ye Malaal Hai Ki Tamanna Nikal Gayi!
Kahan Door Hat Ke Jaayein, Hum Dil Ki Sarzameen Se;
Dono Jahan Ki Sairein Haasil Hain, Sab Yahin Se!
Qaid-e-Hayaat Aur Band-e-Gham Asl Mein Dono Ek Hain;
Maut Se Pehle Aadmi Gham Se Nazaat Paaye Kyon!
Pyaar Ka Pehla Khat Likhne Mein Waqt To Lagta Hai,
Naye Parindon Ko Udne Mein Waqt To Lagta Hai;
Jism Ki Baat Nahi Thi Un Ki, Dil Tak Jana Tha,
Lambi Doori Tai Karne Mein, Waqt To Lagta Hai!
Dil Khush Hua Hai Masjid-e-Veera Ko Dekh Kar;
Meri Tarah Khuda Ka Bhi Khaana Kharaab Hai!
Sair-e-Sahil Kar Chuke Ai Mauj-e-Sahil Sar Na Mar;
Tujh Se Kya Behalenge Toofanon Ke Bahlaaye Hue!
Jhele Hain Jo Dukh Tune 'Faraz' Apni Jagah Hain;
Par Tum Pe Jo Guzri Hai Wo Auron Se Kam Hai!
Dil Ki Barbaadiyon Pe Naajaa Hun;
Fateh Pa Kar Shikast Khayi Hai!