Is Shehar Ko Raas Aayi Hum Jaison Ki Gum-Nami; Hum Naam Batate To Ye Shehar Bhi Jal Jata!
Jala Ke Mishaal-e-Jaan Hum Junoon-Sifat Chale, Jo Ghar Ko Aag Lagaye Hamare Saath Chale; Dayar-e-Sham Nahi Manzil-e-Sahar Bhi Nahi, Ajab Nagar Hai Yaha Din Chale Na Raat Chale!
Halat-e-Haal Ke Sabab Halat-e-Haal Hi Gayi, Shauq Mein Kuch Nahi Gaya Shauq Ki Zindagi Gayi ; Tera Firaq Jaan-e-Jaan Aish Tha Kya Mere Liye, Yaani Tere Firaq Mein Khoob Sharab Pi Gayi
Khwab Ki Tarah Bikhar Jaane Ko Jee Chahta Hai, Aisi Tanhayi Ki Mar Jaane Ko Jee Chahta Hai; Ghar Ki Vehshat Se Larazta Hun Magar Jaane Kyon, Shaam Hoti Hai To Ghar Jaane Ko Jee Chahta Hai!
Ek Nazar Kya Mila Gaya Koi;
Ek Qayamat Utha Gaya Koi!
Aur Kya Dekhne Ko Baaki Hai;
Aap Se Dil Laga Ke Dekh Liya!
Chhoti Si Baat Pe Khush Hona Mujhe Aata Tha;
Par Badi Baat Pe Chup Rehna Tum Hi Se Seekha!
Ek Ishq Ka Gham Aafat Aur Us Pe Ye Dil Aafat;
Ya Gham Na Diya Hota Ya Dil Na Diya Hota!
Aish Hi Aish Hai Na Sab Gham Hai;
Zindagi Ek Haseen Sangam Hai!
Ahbab Ko De Raha Hun Dhokha;
Chehre Pe Khushi Saja Raha Hun!
*Ahbab: Friends, Lovers, Dear Ones