Saj-Dhaj Ke Aap Nikle Sar-e-Rah Khair Ho; Takra Na Jaye Aap Ka Pagal Sambhaliye!
Wo Mila Ke Nazar Is Ada Se Chala; Jaise Milne Kisi Apsara Se Chala!
Basarat Kho Gayi Hai Roshni Mein; Maza Aane Laga Hai Tirgi Mein! *Tirgi : Darkness, Gloom
Maine Is Zidd Mein Kho Diya Sab Kuch; Kho Gaya Tha Jo Dhundhna Hai Mujhe!
Abhi Hain Qurb Ke Kuch Aur Marhale Baaki; Ki Tujh Ko Pa Ke Humein Phir Teri Tamanna Hai!
Jis Ko Shabnam Mile Na Hisse Ki; Phool Wo Adh-Khila Sa Hota Hai!
Tum Jo Ho Paas To Kami Kya Hai; Tum Na Ho To Ye Zindagi Kya Hai!
Tumhein Aansoo Bahane Ko Bhi Mil Jaayen Kai Kandhe; Magar Mujh Ko Aziyyat Mein Pareshan Kaun Dekhega!
Ghar Se Na Jao Door Kisi Ajnabi Ke Saath; Barsenge Zor Zor Se Badal Sambhaliye!
Hum Ne Aap Ke Gham Ko Hum-Safar Banaya Hai; Yaani Zindagani Ko Moatabar Banaya Hai!