Meri Rusvai Ke Asbab Hain Mere Andar; Aadmi Hun So Bahut Khwab Hain Mere Andar!
Tere Baad Is Jahan Mein Koi Doosra Nahi Tha; Are Be-Misaal Tujh Sa Koi Bewafa Nahi Tha!
Note Dikhla Kar Use Hum Khench Laaye Apne Haan; Hum Na Kehte The Ki Paisa Qazi-ul-Hajat Hai! Meaning of Qazi-ul-Hajat
Mere Liye Jeene Ka Sahara Hai Abhi Tak; Wo Ahd-e-Tamanna Ki Tumhein Yaad Na Hoga! *Ahd-e-Tamanna: Period, Time, Promise
Bas Ik Jhijhak Hai Yahi Hal-e-Dil Sunane Mein;
Ki Tera Zikr Bhi Aayega Is Fasane Mein!
Behtar Dinon Ki Aas Lagate Hue 'Habib';
Hum Behtarin Din Bhi Ganwate Chale Gaye!
Jaane Kyon Rooh Tan-Badan Mein Nahi;
Aaj Main Apne Pairahan Mein Nahi!
Bahut Aasaan Hai Mushtarka Dilon Mein Tafriq; Baat To Jab Hai Ki Bichhdon Ko Milaya Jaye! Meaning of Mushtarka, Tafriq
Kuch Taalluq Bhi Nahi Rasm-e-Jahan Se Aage; Us Se Rishta Bhi Raha Vahm-o-Guman Se Aage!
Dil Se Niklegi Na Mar Kar Bhi Vatan Ki Ulfat; Meri Mitti Se Bhi Khushbu-e-Wafa Aayegi!