Agar Fursat Mile Paani Ki Tahriron Ko Padh Lena;
Har Ik Dariya Hazaron Saal Ka Afsana Likhta Hai!
Har Kaam Ka Waqt Muqarrar Hai Har Kaam Ko Waqt Pe Hona Hai;
Kis Baat Ki Aakhir Jaldi Hai Kis Baat Ka Phir Ye Rona Hai!
Chand Bhi Hairan Dariya Bhi Pareshani Mein Hai;
Aks Kis Ka Hai Ki Itni Roshni Paani Mein Hai!
Mar-Mite Jab Se Hum Us Dushman-e-Din Par Sahab;
Paanv Tikte Hi Nahi Apne Zameen Par Sahab!
Kamre Mein Phailta Raha Cigarette Ka Dhuan;
Main Band Khidkiyon Ki Taraf Dekhta Raha!
Bahut Ghuroor Hai Dariya Ko Apne Hone Par;
Jo Meri Pyaas Se Uljhe To Dhajjiyan Ud Jayen!
Umar Ke Lambe Safar Se Tazurba Aisa Mila;
Dhoop Jab Bhi Sar Pe Aayi Lapata Saaya Mila!
Maangti Hai Ab Mohabbat Apne Hone Ka Saboot;
Aur Main Jaata Nahi Izhaar Ki Tafsil Mein!
*Tafsil: Analysis
Yun Doob Gaya Hun Teri Aankhon Ke Bhanwar Mein;
Ab Mere Safine Ko Kinara Nahi Milta!
*Safine: Boats
Thak Thak Ke Teri Raah Mein Yun Baith Gaya Hun;
Goya Ki Bas Ab Mujh Se Safar Ho Nahi Sakta!