Haseen Teri Aanhken Haseen Tere Aansu;
Yahin Doob Jane Ko Jee Chahta Hai!
Us Ne Chhu Kar Mujhe Patthar Se Phir Insan Kiya;
Muddaton Baad Meri Aankhon Mein Aansu Aaye!
Thehri Thehri Si Zindagi Kyon Hai,
Meri Aankhon Mein Ye Nami Kyon Hai;
Jis Ko Aankho Se Door Rakhna Tha,
Aaj Qurbat Mein Phir Vahi Kyon Hai!
Kuch Aansu Ro Lene Ke Baad Nazar-e-Khwab Ho Gaya,
Main Tum Ko Yaad Karte Karte Gehri Neend So Geya;
Ragen Lakiren Ho Gayi Masam Nuqte Ban Gaye,
Badan Tumhari Yaad Mein Huruf-e-Nazm Ho Geya!
Dard-e-Gham-e-Firaq Se Aankhen Hain Ashk-Bar Kya,
Rone Se Hogi Mukhtasar Zahmat-e-Intezar Kya;
Zakhmon Se Chuur Jo Na Ho Seena-e-Dagh-Dar Kya,
Jis Mein Na Ho Hujum-e-Gul Kehiye Use Bahar Kya!
Ashk Khunab Ho Chale Hain,
Gham Ki Rangat Badal Chali Hai;
Ya Yun Hi Bujh Rahi Hain Shamen,
Ya Shab-e-Hijr Tal Chali Hai!
Kaise Kaise Sitam Uthaye Hain,
Zakhm Kha Kar Bhi Muskuraye Hain;
Ashk Aankhon Mein Dabdabaye Hain,
Ya Sitare Se Jhilmilaye Hain!
Samandar Mein Utarta Hun To Aankhen Bheeg Jati Hain,
Teri Aankhon Ko Padhta Hun To Aankhen Bheeg Jati Hain;
Tumhara Naam Likhne Ki Izazat Chin Gayi Jab Se,
Koi Bhi Lafz Likhta Hun To Aankhen Bheeg Jati Hain!
Aaj Tak Daman Na Bheega Tha Bhigona Pad Gaya;
Kis Ne Kis Ka Saath Chhoda Hai Ki Rona Pad Gaya!
Kisi Ki Aankh Mein Aansu Humein Pasand Nahi; Dilon Ke Zakham Dikhane Ki Zidd Nahi Karte!
