Rone Wale Tujhe Rone Ka Saleeqa Hi Nahi;
Ashk Peene Ke Liye Hain Ki Bahane Ke Liye!
Kabhi Khud Par Kabhi Halaat Pe Rona Aaya;
Baat Nikli To Har Ek Baat Pe Rona Aaya!
Ashkon Ke Guhar Yun Sar-e-Mizhgan Bhi Na Tolen;
In Aankhon Se Keh Do Ki Abhi Raaz Na Kholen!
Udaas Naina Jo Baraste Hain Sahab Ki Tarah;
To Gham Ke Phool Bhi Mehakte Hain Gulab Ki Tarah!
Ban Ke Hasrat Sama Gaya Ik Shakhs;
Mujh Ko Aansu Bana Gaya Ik Shakhs!
Ye Na Kahiye Ki Meri Aankh Se Tapka Aansu;
Chhodiye Bhi Koi Toota Hua Tara Hoga!
Tar-Damani Pe Shaikh Hamari Na Jaiyo;
Daman Nichod Den To Farishte Vazu Karen!
Dil Mein Ik Dard Utha Aankhon Mein Aansu Bhar Aaye;
Baithe Baithe Humein Kya Janiye Kya Yaad Aaya!
Hazaron Ashk Meri Aankhon Ki Hirasat Mein The;
Bas Kuch Yaad Aaya Aur Sab Ko Jamanat Mil Gayi!
Woh Roye Toh Bahut Par Mujhse Muh Mod Kar Roye,
Koi Mazboori Hogi Jo Dil Tod Kar Roye;
Mere Samne Kar Diye Meri Tasveer Ke Tukde,
Pata Chala Mere Peeche Woh Unhe Jod Kar Roye!
