Kisi Ke Tum Ho Kisi Ka Khuda Hai Duniya Mein;
Mere Naseeb Mein Tum Bhi Nahi Khuda Bhi Nahi!
Koi Umeed Bar Nahi Aati,
Koi Surat Nazar Nahi Aati;
Maut Ka Ek Din Muayyan Hai,
Neend Kyon Raat Bhar Nahi Aati!
*Muayyan:Definite
Marte Hain Aarzoo Mein Marne Ki;
Maut Aati Hai Par Nahi Aati!
Jaam-e-Jamshed Ka Aalam Hai Mere Seene Mein,
Baat Paida Hi Nahi Ye Kisi Aaine Mein;
Aankh Mein Shakal Teri Noor Tera Seene Mein,
Aks Aaine Ka Padta Raha Aaine Mein!
Umar Bhar Milne Nahi Deti Hain Ab To Ranjishein;
Waqt Hum Se Rooth Jane Ki Ada Tak Le Gaya
Lagta Nahi Hai Dil Mera Ujde Dayar Mein,
Kis Ki Bani Hai Alam-e-Na-Paedar Mein;
In Hasraton Se Keh Do Kahin Aur Ja Basen,
Itni Jagah Kahan Hai Dil-e-Dagh-Dar Mein!
Deewana Banana Hai To Deewana Bana De,
Varna Kahin Taqdeer Tamasha Na Bana De;
Ai Dekhne Walo Mujhe Hans Hans Ke Na Dekho,
Tum Ko Bhi Mohabbat Kahin Mujh Sa Na Bana De!
Khoon Mera Jis Se Hua Hai Khanjar-e-Ahbab Hai,
Ye Haqeeqat Hai Magar Lagta Hai Jaise Khwab Hai;
Is Liye Mujh Sa Numayan Ho Geya Be-Bal-o-Par,
Jis Jagah Main Hun Vahan Har Aadmi Surkhab Hai!
*Be-Bal-o-Par:Helpless
Hum Hain Sookhe Hue Talaab Pe Baithe Hue Hans;
Jo Taalluq Ko Nibhate Hue Mar Jaate Hain!
*Taalluq: Relation
Tamam Raat Nahaya Tha Shehar Baarish Mein,
Wo Rang Utar Hi Gaye Jo Utarne Wale The!