Judaiyon Ke Tasawuur Hi Se Rulaun Use;
Main Jhooth-Mooth Ka Qissa Koi Sunaun Use!
Tasawuur: Thought
Ishara Toh Madad Ka Kar Raha Tha Doobne Wala;
Magar Yaran-e Sahal Ne Salaam Alvida Samjha!
Awaaz Mein Thehrao Tha Aankhon Mein Nami Thi;
Aur Keh Raha Tha Maine Sab Kuch Bhula Diya!
Kabhi Sehar Toh Kabhi Shaam Le Gaya Mujh Se;
Tumhara Dard Kayi Kaam Le Gaya Mujh Se!
Hazar Dard Ke Rango Se Aashna Thi Nazar;
Phir Ek Khawab-e-Siyyah Kha Gaya Meri Aankhein!
Kahan Milegi Misaal Meri Sitam Giri Ki;
Ki Main Gulabon Ke Zakhm Kanton Se See Raha Hun!
Woh Khushi Thi Umeed Thi Ik Ehsaas Tha;
Baad Mein Ye Ghuman Hua Bas Pal Do Pal Ka Sath Tha;
Rehta Hai Aaj Bhi Intezar Is Aankh Ko Kisi Apne Ka;
Woh Ja Kar Aaj Bhi Saath Hai Jo Kabi Hamare Pass Tha!
Ik Baar Aur Dekh Kar Azad Kar De Mujhe Mohsin;
Ki Main Aaj Bhi Teri Pehli Nazar Ki Qaid Main Hun!
Mohabbat Tarq Ki Maine Gireban Si Liya Maine;
Zamaane Ab Tu Khush Ho Zehar Ye Bhi Pee Liya Maine!
Main Tanha Larki Dyar-e Shab Mein Jalaun Sach Ke Diye Kahan Tak;
Sayah Karoon Ki Saltanat Mein Kis Tarah Aaftab Likhoon!
