Sham-e-Gham Afsurda-o-Hairan The Hum;
Log Samjhe Be-Sar-o-Saman The Hum!
Kya Kya Hain Gile Us Ko Bata Kyon Nahi Deta;
Taazir-e-Khata Mujh Ko Suna Kyon Nahi Deta!
*Taazir-e-Khata: Punishment for mistake
Hathiyar Haath Mein Liye Saans Roke Aankhein Khole;
Shikar Ki Taak Mein Baitha Hun Main Chook Ki Koi Gunjaish Hi Nahi!
Mumkin Nahin Hai Apne Ko Rusva Vafa Kare;
Duniya-e-Be-Sabat Ki Khatir Dua Kare!
Tu Ne Kyon Hum Se Tawaqqo Na Musafir Rakhi;
Hum Ne To Jaan Bhi Tere Vaaste Hazir Rakhi!
Achcha Hai Ki Laga Nahi Unhein Pyaar Ka Rog;
Aate Aate Aayenge Raah Pe Agle Log!
Main Na-Samajh To Nahi Ranjishon Se Laḍta Phirun;
Main Rukh Badal Ke Mohabbat Ki Aad Leta Hun!
Chhod Umeed Use Ab Nahi Aana Shayad;
Aana Bhi Hai To Nahi Hum Ko Batana Shayad!
Hai Aaj Andhera Har Janib Aur Noor Ki Baatein Karte Hain;
Nazdeek Ki Baaton Se Khaaif Hum Door Ki Baatein Karte Hain!
*Khaaif - Afraid, Frightened, Timid
Dekhta Hun Tu Nahi Rahm Ke Qabil Koi;
Sochta Hun To Hazaron Taras Aata Hai!
