Chand Bhi Hairan Dariya Bhi Pareshani Mein Hai;
Aks Kis Ka Hai Ki Itni Roshni Paani Mein Hai!
Teer-o-Talvar Se Badh Kar Hai Teri Tirchhi Nigah;
Saikdon Aashiqon Ka Khoon Kiye Baithi Hai!
Aankhon Mein Sulagti Hui Vehshat Ke Jilau Mein;
Wo Hairat-o-Hasrat Ka Jahan Yaad Rahega!
*Jilau: In the company of/Side
Phoolon Mein Vahi To Phool Thehra;
Jo Tere Salaam Ko Khila Ho!
Kuch Tumhari Nigaah Kafir Thi;
Kuch Mujhe Bhi Kharab Hona Tha!
Din Aa Gaye Shabab Ke Aanchal Sambhaliye;
Hone Lagi Hai Shehar Mein Hulchul Sambhaliye!
Jab Yaar Ne Utha Kar Zulfon Ke Baal Bandhe;
Tab Maine Apne Dil Mein Lakhon Khayal Bandhe!
Kal Raat Ko Dekha Tha Jise Khwab Mein Tum Ne;
Rukhsar Pe Rakhe Hue Rukhsar Humin The!
Charagh-e-Husn-e-Yusuf Jab Ho Roshan;
Rahe Phir Kis Tarah Zinda Andhera!
Ab Tum Bhi Zara Husn-e-Jahan-Soz Ko Roko;
Hum To Dil-e-Betaab Ko Samjhaye Hue Hain!