Ishq Karta Hai To Phir Ishq Ki Tauheen Na Kar;
Ya To Behosh Na Ho, Ho To Na Phir Hosh Mein Aa!
Bichhadne Ka Iraada Hai Toh Mujh Se Mashwara Kar Lo;
Mohabbat Mein Koi Bhi Faisla Zaati Nahin Hota!
Aankh Lag Jaye Toh Phir Aankh Kahan Lagti Hai;
Main Agar So Bhi Gayi Khwab Mein Bedar Rahi!
Daaman Tera Mujh Se Chhoota Milne Ke Haalaat Nahi;
Lekin Tujh Ko Bhool Sakoon Main Aisi Bhi To Baat Nahi!
Hamein To Un Ki Mohabbat Hai Koi Kuchh Samjhe;
Hamare Saath Mohabbat Unhen Nahin To Nahin!
Aablo Ka Shikwa Kya Thokaron Ka Gham Kaisa;
Aadmi Mohabbat Mein Sab Ko Bhool Jaata Hai!
Azeez Itna Hi Rakho Ki Jee Sambhal Jaye;
Ab Is Qadar Bhi Na Chaho Ki Dam Nikal Jaaye!
Mujh Ko Khud Mein Jagah Nahi Milti;
Tu Hai Maujud Is Qadar Mujh Mein!
Itne Chehron Mein Mujhe Hai Ek Chehre Ki Talash;
Jis Ko Main Ne Kho Ke Paaya Pa Ke Khoya Subah Tak!
Mohabbat Mein Khuda Jaane Hui Rusvaiyan Kis Se;
Main Un Ka Naam Leta Hun Woh Mera Naam Lete Hain!
