Maktab-e-Ishq Ka Dastur Nirala Dekha;
Us Ko Chutti Na Mili Jis Ko Sabaq Yaad Hua!
* Maktab-e-Ishq - School of Love
Vasl Ka Din Aur Itna Mukhtasar;
Din Gine Jaate The Is Din Ke Liye!
Ik Lafz-e-Mohabbat Ka Adna Ye Fasana Hai;
Simte To Dil-e-Aashiq Phaile To Zamana Hai!
Hum Ishq Mein Hain Fard To Tum Husn Mein Yakta;
Hum Sa Bhi Nahi Ek Jo Tum Sa Nahi Koi!
Hum Apna Ishq Chamkayein Tum Apna Husn Chamkao;
Ki Hairaan Dekh Kar Aalam Humein Bhi Ho Tumhein Ho!
Katti Hai Aarzoo Ke Sahare Pe Zindagi;
Kaise Kahun Kisi Ki Tamanna Na Chahiye!
Ulfat Mein Barabar Hai Wafa Ho Ki Jafa Ho;
Har Baat Mein Lazzat Hai Agar Dil Mein Maza Ho!
Na So Saka Hun Na Shab Jaag Kar Guzari Hai;
Ajeeb Din Hain Sukoon Hai Na Be-Qarari Hai!
Jaane Kyon Log Mera Naam Padha Karte Hain;
Maine Chehre Pe Tere Yun To Likha Kuch Hi Nahi!
Kya Ho Gaya Ise Ki Tujhe Dekhti Nahi;
Jee Chahta Hai Aag Laga Dun Nazar Ko Main!
