Woh Guftugu Jo Meri Sirf Apne-Aap Se Thi;
Teri Nigah Ko Pahunchi To Shayari Hui Hai!
Jo Nigah-e-Naaz Ka Bismil Nahi;
Dil Nahi Wo Dil Nahi Wo Dil Nahi!
*Bismil: Wounded
Badan Ke Donon Kinaron Se Jal Raha Hun Main; Ki Chhu Raha Hun Tujhe Aur Pighal Raha Hun Main!
Tum Ko Ye Hai Agar Yaqeen Dil Mein Wo Jalwa-Gar Nahi,
Dhoondha Karo Tamam Umar Milne Ka Umar-Bhar Nahi;
Aaye Na Aaye Be-Khabar Kya Tujhe Ye Khabar Nahi,
Saans Ka Aitbar Kya Shaam Hai To Sahar Nahi!
Aaj Van Teg-o-Kafan Bandhe Hue Jata Hun Main;
Uzr Mera Qatal Karne Mein Wo Ab Lavenge Kya!
*Teg-o-Kafan: Sword and Shroud
Un Ki Nazar Ke Saath Hi Saara Zamana Phir Gaya,
Gardish-e-Chashm-e-Naaz Hai Gardish-e-Rozgar Kya;
Bad-e-Khizan Ki Mauj Thi Ghuncha-e-Dil Ke Haq Mein Sam,
Mausam-e-Gul Ki Bhi Hawa Hogi Na Sazgar Kya!
* Gardish-e-Chashm-e-Naaz: Movement eyes of coquetry
* Sazgar: Agreeable, favourable,
Aap Ne Tasveer Bheji Maine Dekhi Ghaur Se;
Har Ada Achhi Khamoshi Ki Ada Achhi Nahi!
Tera Milna Khushi Ki Baat Sahi,
Tujh Se Mil Kar Udaas Rehta Hun;
Hazaar Barq Gire Laakh Andhiyan Uthen,
Wo Phool Khil Ke Rahenge Jo Khilne Wale Hain!
Raat Bhi Neend Bhi Kahani Bhi;
Haaye Kya Cheez Hai Jawani Bhi!
Dua Karo Ki Main Us Ke Liye Dua Ho Jaaun;
Wo Ek Shakhs Jo Dil Ko Dua Sa Lagta Hai!
