Ulfat Mein Barabar Hai Wafa Ho Ki Jafa Ho;
Har Baat Mein Lazzat Hai Agar Dil Mein Maza Ho!
Na So Saka Hun Na Shab Jaag Kar Guzari Hai;
Ajeeb Din Hain Sukoon Hai Na Be-Qarari Hai!
Jaane Kyon Log Mera Naam Padha Karte Hain;
Maine Chehre Pe Tere Yun To Likha Kuch Hi Nahi!
Kya Ho Gaya Ise Ki Tujhe Dekhti Nahi;
Jee Chahta Hai Aag Laga Dun Nazar Ko Main!
Haseen To Aur Hain Lekin Koi Kahan Tujh Sa;
Jo Dil Jalaye Bahut Phir Bhi Dilruba Hi Lage!
Dil Ki Betaabi Theharne Nahi Deti Mujh Ko;
Din Kahin Raat Kahin Subah Kahin Shaam Kahin!
Azeez Itna Hi Rakho Ki Jee Sambhal Jaye;
Ab Is Kadar Bhi Na Chaho Ki Dum Nikal Jaye!
Uski Baahon Mein Sone Ka Abhi Tak Shaunk Hai Mujhko;
Mohabbat Mein Ujad Kar Bhi Meri Aadat Nahi Badli!
Ek Shajar Aisa Mohabbat Ka Lagaya Jaye;
Jis Ka Hum Saaye Ke Aangan Mein Bhi Saya Jaye!
Aah! Jaan Soz Ki Mahrumi-e-Taaseer Na Dekh,
Ho Hi Jayegi Jeene Ki Koi Tadbeer Na Dekh;
Haadse Aur Bhi Guzre Hain Teri Ulfat Ke Siva,
Haan Mujhe Dekh, Ab Meri Tasveer Na Dekh!
