Meri Koshish Ka Samar Hai Mukhtalif,
Pyaar Ka Us Par Asar Hai Mukhtalif;
Saari Duniya Mein Nahi Us Ki Misaal,
Sab Se Wo Rashk-e-Qamar Hai Mukhtalif!
*Mukhtalif: Different
Har Ek Baat Pe Kehte Ho Tum Ki Tu Kya Hai,
Tum Hi Kaho Ki Ye Andaaz-e-Guftgu Kya Hai;
Na Sholay Mein Yeh Karishma, Na Barq Mein Ye Ada,
Koi Batao Ki Wo Shokh Tund Khu Kya Hai!
Nazr-e-Karam Mujh Par Itna Na Kar,
Ki Teri Mohabbat Ke Liye Baaghi Ho Jaaun;
Mujhe Itna Na Pila Ishq-e-Jaam Ki,
Main Ishq Ke Zehar Ka Aadi Ho Jaaun!
Ankhon Se Karen Kya Tunak Aabi Ki Shikayat;
Dil Hi Ke Lahu Se Kabhi Palkon Ko Bhigo Len!
Baqa-e-Dil Ke Liye Jo Lahoo Zaroori Hai,
Isi Tarah Mere Jeevan Mein Tu Zaroori Hai;
Ye Akal Wale Nahi Ahl-e-Dil Samjhte Hain,
Ki Kyuon Sharab Se Pehle Wuzu Zaroori Hai!
Ye Na Thi Hamari Qismat Ki Visal-e-Yaar Hota,
Agar Aur Jeete Rehte Yahi Intezar Hota;
Tere Vaade Par Jiye Hum To Yeh Jaan Jhoot Jana,
Ki Khushi Se Mar Na Jate Agar Aitbar Hota!
Ye Dil Ye Pagal Dil Mera Kyun Bujh Geya Aawargi,
Is Dasht Mein Ik Shehar Tha, Wo Kiya Hua Aawargi;
Kal Shab Mujhe Be-Shakal Ki Aawaz Ne Chonka Diya,
Maine Kaha Tu Kaun Hai Usne Kaha Aawargi!
Mil Mujh Se Ai Pari Tujhe Quran Ki Kasam,
Deta Hun Tujh Ko Takht-e-Sulaiman Ki Kasam;
Karr-o-Bayon Ki Tujh Ko Kasam Aur Arsh Ki,
Jibril Ki Kasam Tujhe Rizwan Ki Kasam!
*Karr-o-Bayon: Creations other than human beings
Zindagi Kavish-e-Batil Hai Mera Saath Na Chhod,
Tu Hi Ik Umar Ka Hasil Hai Mera Saath Na Chhod;
Log Milte Hain Sar-e-Raah Guzar Jaate Hain,
Tu Hi Ik Hum-Safar-e-Dil Hai Mera Saath Na Chhod!
Kiya Hai Pyaar Jise Hum Ne Zindagi Ki Tarah,
Woh Aashna Bhi Mila Hum Se Ajnabi Ki Tarah;
Kise Khabar Thi Badhegi Kuch Aur Tariki,
Chhupega Woh Kisi Badli Mein Chandani Ki Tarah!
