Aankho Ke Ishare Samajh Nahi Pate;
Hontho Se Dil Kee Baat Keh Nahi Pate;
Apni Bebasi Hum Kis Tarah Kahe;
Koi Hai Jiske Bina Hum Reh Nahi Pate!
Din Beet Jate Hain Suhani Yaadein Banker;
Baatein Reh Jati Hain Kahani Bankar;
Par Pyaar To Hamesha Dil Ke Kareeb Rahega;
Kabhi Muskaan To Kabhi Aankhon Mein Pani Bankar!
Woh Paas Aate To Hum Baat Kar Lete;
Wo Sath Rehte To Hum Pyaar Kar Lete;
Kya Majburi Rahi Jo Woh Chale Gaye;
Wajah To Batate Hum Intezar Kar Lete!
Kuch Likh Nahi Paate Kuch Suna Nahi Paate;
Haal-e-Dil Zuban Pe La Nahi Paate;
Woh Utar Gaye Hain Dil Kee Gehraiyon Mein;
Woh Samjh Nahi Paate, Hum Samjha Nahi Paate!
Koi Kehta Hai Pyaar Nasha Ban Jata Hai;
Koi Kehta Hai Pyaar Saza Ban Jata Hai;
Lekin Agar Pyaar Karo Sache Dil Se To;
Pyaar Jeene Kee Wajah Ban Jata Hai!
Mila Wo Bhi Nahi Karte Mila Hum Bhi Nahi Karte;
Gila Wo Bhi Nahi Karte Shikwa Hum Bhi Nahi Karte;
Yeh Bhi Such Hai Mohabbat Unko Bhi Hai Mohabbat Humko Bhi Hai;
Izhar Wo Bhi Nahi Karte Iqrar Hum Bhi Nahi Karte!
Safar Mohabbt Ka Dushwar Kitna Hai;
Magar Dekhna Hai Ki Koi Wafadar Kitna Hai;
Yahi Soch Kar Use Kabhi Manga Nahi Maine;
Use Parakhna Hai Ki Wo Mera Talbgar Kitna Hai!
Aankhon Mein Na Humko Dhoondo Sanam Dil Mein Hum Bas Jaayenge;
Tamanna Hai Agar Milne Ki Toh Band Aankhon Mein Bhi Hum Nazar Aayenge!
Meri Chahatein Tumse Alag Kab Hain;
Dil Kee Baatein Tumse Chupi Kab Hain;
Tum Saath Raho Dil Mein Dhadkan Kee Jagah;
Phir Zindagi Ko Saanson Kee Zarurat Kab Hai!
Tadap Ke Dekh Kisi Kee Chahat Mein;
To Pata Chale Intezar Kya Hota Hai;
Yun Hi Mil Jaye Agar Koi Bina Tadpe;
To Kaise Pata Chale Pyaar Kya Hota Hai!
