Kuch To Bewafayi Hai Mujh Mein Bhi,
Jo Ab Tak Zinda Hun Tere Bagair!
Ek Ajeeb Dastaan Hai Mere Afasane Ki,
Maine Pal Pal Koshish Ki Tere Paas Aane Ki,
Kismat Thi Meri Ya Sazish Samjho Zamaane Ki,
Door Hue Itna Jitni Ummeed Thi Kareeb Aane Ki!
Faasla Nazron Ka Dhokha Bhi To Ho Sakta Hai,
Woh Mile Ya Na Mile Haath Badha Kar Dekho!
Main Tujh Ko Bhool Jane Ke Musalsal Marhale Mein Hun,
Magar Raftaar Madham Hai Mujhe Mehsoos Hota Hai!
Bichhad Ke Us Se Pareshan Bahut Hun Main,
Suna Hai Woh Bhi Badhi Uljhano Mein Rehte Hain!
Tu Kal Ki Tarah Aaj Nahi Saath To Kya Hua,
Kaise Batayein Tujhe Ki Mohabbat To Hum Teri Dooriyon Se Bhi Karte Hain!
Uske Saath Hone Tak Hi Mehsoos Hui Zindagi,
Na Uske Aane Se Pehle Na Uske Jaane Ke Baad
Gham Hun, Dard Hun, Saaz Hun, Ya Aawaz Hun;
Bas Jo Bhi Hun Main Tum Bin Bahut Udaas Hun!
Mile Agar Mera Humdum To Use Sirf Itna Keh Dena;
Bina Teri Mohabbat Ke Woh Pagal Jee Nahi Sakta!
Wo Saath The To Ek Lafz Na Nikla Labon Se,
Door Kya Hue Kalam Ne Qahar Macha Diya!
