Hua Hai Tujh Se Bichhadne Ke Baad Ye Maalum;
Ki Tu Nahi Tha Tere Saath Ek Duniya Thi!d
Tere Firaq Mein Ghutnon Chali Hai Tanhai;
Khayal-o-Khwab Mein Phuli-Phali Hai Tanhai!
Safar Mein Aise Kayi Marhale Bhi Aate Hain;
Har Ek Mod Pe Kuch Log Choot Jaate Hain!
Jab Bhi Koi Hamrahi Saath Chhod Jaata Hai;
Muddaton Khayal Us Ka Saath Saath Chalta Hai!
Woh Kab Aayein Khuda Jaane Sitaro Tum To So Jao;
Hue Hain Hum To Deewane Sitaro Tum To So Jao!
Ye Hadsa Hai Magar Us Taraf Hua Bhi Nahi;
Judaa Hua Bhi To Us Se Jo Jaanta Bhi Nahi!
Mohabbat Ki To Koi Hadd, Koi Sarhad Nahi Hoti;
Hamare Darmiyan Ye Fasle Kaise Nikal Aaye!
Chala Gaya Hai Tassavuur Ki Sarhadon Se Pare;
Wo Ek Shakhs Jo Aksar Raha Hai Aankhon Mein!
Mana Ke Gham Ke Baad Milti Hain Muskurahtein;
Lekin Jiyega Kaun Teri Berukhi Ke Baad!
Us Ko Juda Hue Bhi Zamana Bahut Hua,
Ab Kya Kahein Yeh Qissa Purana Bahut Hua;
Hum Khuld Se Nikal To Gaye Hain Par Ai Khuda,
Itne Se Waqiye Ka Fasana Bahut Hua!
