Zahid Sharab Peene Se Kaafir Hua Main Kyon;
Kya Dedh Chullu Paani Mein Imaan Beh Geya!
Jaam-e-Jamshed Ka Aalam Hai Mere Seene Mein,
Baat Paida Hi Nahi Ye Kisi Aaine Mein;
Aankh Mein Shakal Teri Noor Tera Seene Mein,
Aks Aaine Ka Padta Raha Aaine Mein!
Un Ras Bhari Aankhon Mein Haya Khel Rahi Hai;
Do Zehar Ke Pyalon Mein Qaza Khel Rahi Hai!
Umar Bhar Milne Nahi Deti Hain Ab To Ranjishein;
Waqt Hum Se Rooth Jane Ki Ada Tak Le Gaya
Lagta Nahi Hai Dil Mera Ujde Dayar Mein,
Kis Ki Bani Hai Alam-e-Na-Paedar Mein;
In Hasraton Se Keh Do Kahin Aur Ja Basen,
Itni Jagah Kahan Hai Dil-e-Dagh-Dar Mein!
Gali Ke Mod Se Ghar Tak Andhera Kyon Hai 'Nizam';
Charagh Yaad Ka Us Ne Bujha Diya Hoga!
Koi Chara Nahi Dua Ke Siwa;
Koi Sunta Nahi Khuda Ke Siwa!
Deewana Banana Hai To Deewana Bana De,
Varna Kahin Taqdeer Tamasha Na Bana De;
Ai Dekhne Walo Mujhe Hans Hans Ke Na Dekho,
Tum Ko Bhi Mohabbat Kahin Mujh Sa Na Bana De!
Hum Se Zindagi Ki Haqeeqat Na Pucho Wasi;
Buhat Pur Khaloos Log The Jo Tanha Kar Gaye!
* Pur Khaloos: Sincere
Munh Jo Dekhe Aaina Gar Kanch Ka,
Muskura Uthe Muqaddar Kanch Ka;
Bhool Jaunga Main Apne Aap Ko,
Aks Pehchanega Jo Har Kanch Ka!