Un Ka Zikr, Un Ki Tamanna, Un Ki Yaad;
Waqt Kitna Qeemti Hai Aaj Kal!
Agarche Phool Ye Apne Liye Kharide Hain;
Koi Jo Poochhe To Kah Doonga Us Ne Bheje Hain!
Ye Waqia Meri Aankhon Ke Saamne Ka Hai;
Sharab Naach Rahi Thi Gilaas Baithe Rahe!
Ishq Karta Hai To Phir Ishq Ki Tauheen Na Kar;
Ya To Behosh Na Ho, Ho To Na Phir Hosh Mein Aa!
Apni Haalat Ka Khud Ehsaas Nahi Hai Mujh Ko;
Main Ne Auron Se Suna Hai Ki Pareshaan Hoon Main!
Zara Ye Dhoop Dhal Jaaye Toh Un Ka Haal Puchhenge;
Yahan Kuch Saaye Apne Aap Ko Paikar Bataate Hain!
Wo Kaun Tha Jo Din Ke Ujale Mein Kho Gaya;
Ye Chand Kis Ko Dhoondne Nikla Hai Shaam Se!
Ab Aur Is Ke Siwa Chahte Ho Kya Mulla;
Ye Kam Hai Us Ne Tumhein Muskura Ke Dekh Liya!
Bichhadne Ka Iraada Hai Toh Mujh Se Mashwara Kar Lo;
Mohabbat Mein Koi Bhi Faisla Zaati Nahin Hota!
Aankh Lag Jaye Toh Phir Aankh Kahan Lagti Hai;
Main Agar So Bhi Gayi Khwab Mein Bedar Rahi!