| Woh Kuch Gehri Soch Mein Aise Doob Geya Hai; Baithe Baithe Nadi Kinare Doob Geya Hai; Aaj Kee Raat Na Jaane Kintni Lambi Hogi; Aajka Suraj Shaam Se Pehle Doob Geya Hai; Woh Jo Pyasa Lagta Tha Sailab-Zada Tha; Paani Paani Kehte Kehte Doob Geya Hai; Shor To Yun Utha Tha Jaise Ik Toofan Ho; Sanaate Mein Jaane Kaise Doob Geya Hai; Aakhiri Khawhish Poori Kar Ke Jeena Kaisa; "Anees" Bhi Sahil Tak Aa Ke Doob Geya Hai! |
| Ishq Karo To Ye Bhi Socho Arz-e-Sawal Se Pehle; Hijr Kee Poori Raat Aati Hai Subah-e-Visaal Se Pehle; Dil Ka Kya Hai Dil Ne Kitne Manzar Dekhe Lekin; Aankhein Pagal Ho Jati Hain Ek Khyaal Se Pehle; Kis Ne Ret Udaai Shab Mein Aankhein Khol Ke Rakhi; Koi Misaal To Hona Us Kee Misaal Se Pehle; Kaar-e-Mohabbat Ek Safar Hai Is Mein Aa Jata Hai; Ek Zavaal-Aasaar Sa Rasta Baab-e-Kamaal Se Pehle; Ishq Mein Resham Jaise Vaadon Aur Khwabon Ka Rastaa; Jitna Mumkin Ho Tay Kar Le Gard-e-Malal Se Pehle! |
| Apni Pyari Aankhon Mein Apni Pyari Aankhon Mein Chupa Lo Mujh Ko; Mohabbat Tum Se Hai, Chura Lo Mujh Ko; Dhup Ho Ya Sehra Tera Sath Chalenge Hum; Yaqeen Na Ho To Aazma Lo Mujh Ko; Tere Har Dukh Ko Seh Lenge Hans Ke Hum; Apne Wazood Kee Chadar Bana Lo Mujh Ko; Zindagi Bhi Tere Naam Kar Di Hai Humne; Bas Chand Lamhe Seene Se Laga Lo Mujh Ko! |
| Aankh Se Aankh Aankh Se Aankh Milata Hai Koi; Dil Ko Khinche Liye Jata Hai Koi; Va-e-Hairat Ke Bhari Mehfil Mein; Mujh Ko Tanha Nazar Aata Hai Koi; Chahiye Khud Pe Yakeen-e-Kaamil; Haunsla Kis Ka Badhata Hai Koi; Sab Karishmat-e-Tasavur Hai 'Shakeel'; Varna Aata Hai Na Jata Hai Koi! |
| Raat Apne Khwab Kee Keemat Ka Andaza Hua; Ye Sitara Neend Kee Tehzeeb Se Paida Hua; Zehan Kee Zarakhez Mitti Se Naye Chehre Uge; Jo Meri Yaadon Mein Zinda Hai Saraseema Hua; Meri Aankhon Mein Anokhe Zurm Kee Tazveez Thi; Sirf Dekha Tha Use Us Ka Badan Maila Hua; Wo Koi Khushbu Hai Meri Saans Mein Behti Hui; Main Koi Aansu Hun Us Kee Rooh Mein Girta Hua; Us Ke Milne Aur Bichad Jane Ka Manzar Ek Hai; Kaun Itne Fansalon Mein Be-Hijaab Aisa Hua! |
| Tum Na Aaye Ek Din Ka Vadaa Kar Tum Na Aaye Ek Din Ka Vadaa Kar Do Din Talak; Ham Pade Tadpa Kiye Do-Do Pahar Do Din Talak; Dard-e-Dil Apna Sunata Hun Kabhi Jo Ek Din; Rehta Hai Us Naazneen Ko Dard-e-Sar Do Din Talak; Dekhte Hain Khwab Mein Jis Din Kisoo Kee Chashm-e-Mast; Rehte Hain Hum Do Jahaan Se Bekhabar Do Din Talak; Gar Yaqeen Ho Ye Humein Aayega Tu Do Din Ke Baad; To Jiyen Hum Aur Is Ummeed Par Do Din Talak; Kya Sabab Kya Vaasta Kya Kaam Tha Batalaiye; Ghar Se Jo Nikale Na Apne Tum "Zafar" Do Din Talak! |
| Dhoop Ho Chhaaon Ho Tum Saath Nibhaaya Karna; Mere Chehre Pe Sada Palkoon Ka Saaya Karna; Raah Dekhungi Tumhaari Main Sar-e-Shaam Yunhi; Kabhi Jaldi Kabhi Der Se Aaya Karna; Daant Lena Sar-E-Mehfil Koi Baat Nahin; Phir Akele Mein Gale Laga Kar Manaaya Karna; Jaan Jaungi Mein Khushboo Se Tumhaari Tum Ko; Tum Peeche Se Meri Aankhoon Ko Chupaaya Karna; Jaagna Chahun To Raat Bhar Baatein Karna; Neend Aa Jaaye To Mujhe Apne Seene Par Sulaaya Karna! |
| Usi Se Aaye Hain Aashob Aasman Wale; Jise Gubaar Samajhate The Karavan Wale; Main Apni Dhun Mein Yahan Aandhiyan Uthata Hun; Magar Kahan Wo Maze Khaak-e-Aashiyan Wale; Mujhe Diya Na Kabhi Mere Dushmano Ka Pata; Mujhe Hawa Se Ladhate Rahe Jahan Wale; Mere Saraab-e-Tamanna Pe Rashk Tha Jin Ko; Bane Hain Aaj Wahi Bahar-e-Be-Karaan Wale; Main Nala Hun Mujhe Apne Labon Se Door Na Rakh; Mujhi Se Zinda Hai Tu Mere Jism-o-Jaan Wale; Ye Musht-e-Khaak 'Zafar' Mera Pairahan Hi Tu Hai; Mujhe Zameen Se Darayein Na Kehakashan Wale! |
| Kitni Zulfein Kitne Aanchal Ude Kitni Zulfein Kitne Aanchal Ude Chaand Ko Kya Khabar; Kitna Matam Hua Kitne Aansu Bahe Chaand Ko Kya Khabar; Muddaton Us Kee Khwahish Se Chalte Rahe Haath Aata Nahi; Chaah Mein Us Kee Pairon Mein Hain Aabale Chaand Ko Kya Khabar; Wo Jo Nikla Nahi To Bhatakate Rahe Hain Musafir Kayi; Aur Lutte Rahe Hain Kayi Kafile Chaand Ko Kya Khabar; Us Ko Davaa Bahut Meethe-Pan Ka 'Wasi' Chandni Se Kaho; Us Kee Kirano Se Kitne Hi Ghar Jal Gaye Chaand Ko Kya Khabar! |
| Mohabbaton Mein Dikhave Kee Dosti Na Mila; Agar Gale Nahi Milata To Haath Bhi Na Mila; Gharon Pe Naam The, Naam Ke Saath Ahude The; Bahut Talaash Kiya Koi Aadmi Na Mila; Tamaam Rishton Ko Main Ghar Pe Chhod Aaya Tha; Phir Iske Baad Mujhe Koi Ajnabi Na Mila; Bahut Ajeeb Hai Ye Kurbaton Kee Doori Bhi; Wo Mere Saath Raha Aur Mujhe Kabhi Na Mila; Khuda Kee Itni Badi Kayanaat Mein Maine; Bas Ek Shakhs Ko Maanga Mujhe Wahi Na Mila! |