Vo Ham-Safar Tha Magar Us Se Ham-Navaai Na Thi;
Ki Dhoop Chhaanv Ka Aalam Raha Judaai Na Thi!
Ab Us Ki Shakl Bhi Mushkil Se Yaad Aati Hai;
Vo Jis Ke Naam Se Hote Na The Juda Mere Lab!
Tum Us Ke Paas Ho Jis Ko Tumhari Chaah Na Thi;
Kahan Pe Pyaas Thi Dariya Kahan Banaya Gaya!
Dekhoge To Aaegi Tumhen Apni Jafa Yaad;
Khamosh Jise Paaoge Khamosh Na Hoga!
Kaun Badan Se Aage Dekhe Aurat Ko;
Sab Ki Aankhen Girvi Hain Is Nagri Mein!
Aap Chheden Na Vafa Ka Qissa;
Baat Mein Baat Nikal Aati Hai!
Yaaron Ka Tarz-E-Hausla-Afzaai Dekhiye;
Tahseen Mein Tanz Ka Patthar Chhupa Hua!
Ek Husn E Mukammal Hai To Ek Ishq Saraapa;
Hoshiyar Sa Ek Shakhs Hai Deewana Sa Ek Shakhs!
Mujhe Ye Dar Hai Teri Aarzoo Na Mit Jaaye;
Bahut Dinon Se Tabiyat Meri Udaas Nahin!
Aarzoo Hai Ki Tu Yahan Aaye;
Aur Phir Umr Bhar Na Jaaye Kahin!