Duniya Ke Jo Maze Hain Harghiz Wo Kam Na Honge;
Charche Yun Hi Rahenge Afsos Hum Na Honge!
Dhokha Tha Nigahon Ka Magar Khoob Tha Dhokha;
Mujh Ko Teri Nazron Mein Mohabbat Nazar Aayi!
Yeh Zulf Agar Khul Ke Bikhar Jaye To Achha,
Is Raat Ki Taqdeer Sanwar Jaye To Achha;
Jis Tarah Se Thodi Si Tere Saath Kati Hai,
Baaki Bhi Usi Tarah Guzar Jaye To Achha!
Us Ko Juda Hue Bhi Zamana Bahut Hua,
Ab Kya Kahein Yeh Qissa Purana Bahut Hua;
Hum Khuld Se Nikal To Gaye Hain Par Ai Khuda,
Itne Se Waqiye Ka Fasana Bahut Hua!
Hazar Chehre Hain Maujud Aadmi Gayab;
Ye Kis Kharabe Mein Duniya Ne La Ke Chhod Diya!
Rukhsat Hua To Aankh Mila Kar Nahi Gaya;
Woh Kyon Gaya Hai Yeh Bhi Bata Kar Nahi Gaya!
Hum Use Aankhon Ki Dehri Nahi Chadhne Dete;
Neend Aati Na Agar Khwab Tumhare Lekar!
Lage Munh Bhi Chidhane Dete Dete Gaaliyan Sahab;
Zuban Bigdi To Bigdi Thi Khabar Lijiye Dahan Bigda!
Tum Meri Taraf Dekhna Chhodo To Bataun;
Har Shakhs Tumhari Hi Taraf Dekh Raha Hai!
Kyon Chalte Chalte Ruk Gaye Veerna Raasto;
Tanha Hun Aaj Main Zara Ghar Tak To Saath Do!