Subah Sham Falasteen Mein Khoon Behta Hai;
Saya-e-Marg Mein Kab Se Insan Rehta Hai;
Band Karo Ye Baroodi Ghuna Gardi;
Baad Ye Ab Toh Ek Zamaana Kehta Hai!
Falasteen (Palestine)
Mohabbat Tarq Ki Maine Gireban Si Liya Maine;
Zamaane Ab Tu Khush Ho Zehar Ye Bhi Pee Liya Maine!
Ana Ki Mauj Masti Mein Abhi Bhi Badshah Hain Hum;
Jo Hum Ko Tod Deta Hai, Hum Us Ko Chodd Dete Hain!
Bichadd Gaye To Phir Milne Ki Aas Kya Rakhein;
Murjaye Hue Phool Khilne Ki Aas Kya Rakhein;
Lagaye Hain Jo Khud Apne Hath Se Anjum;
Un Zakhmon Ke Khilne Ki Aas Kya Rakhein!
Parindon Ki Duniya Ka Darvesh Hun Main;
Ke Shaheen Bnata Nahi Aashiyana!
Main Tanha Larki Dyar-e Shab Mein Jalaun Sach Ke Diye Kahan Tak;
Sayah Karoon Ki Saltanat Mein Kis Tarah Aaftab Likhoon!
Kashti Bhi Nahi Badli Darya Bhi Nahi Badla;
Aur Doobne Walon Ka Jazba Bhi Nahi Badla;
Hai Shoq-e Safar Aisa Ik Arse Se Yaaro;
Manzal Bhi Nahi Rahi Rasta Bhi Nahi Badla!
Hazaar Barq Giray Lakh Aandhiyan Uthen;
Wo Phool Khil Ke Rahenge Jo Khilne Wale Hain!
Kami Kami Si Thi Kuch Rang-o-Boye Gulshan Mein;
Lab Bahar Se Nikli Hui Dua Tum Ho!
Ab Tak Meri Yaadon Se Mitaye Nahi Mitta;
Bheegi Hoyi Ik Shaam Ka Manzar Teri Aankhein!