Girte Rahe Hum Sajdo Mein Hasrat-e-Ishq Ki Khaatir;
Agar Ibadat-e-Khuda Mein Gire Hote Toh Zindgi Jannat Ban Jati!
Sochta Hun Ke Bhuja Dun Main Yeh Kamre Ka Diya;
Apne Saaye Ko Bhi Kyon Saath Jagaaon Apne!
Bharosa, Dua, Wafa, Khawab, Maan, Mohabbat;
Kitne Naamon Mein Simte Ho Sirf Ek Tum!
Tujhe Haq Diya Hai Maine Dillagi Ka Ai Sanam;
Tu Mere Dil Se Khel Jab Tak Tera Dil Behal Na Jaye!
Ye Dhuan Kam Ho To Pehchaan Ho Mumkin Shayad,
Yun To Wo Jalta Hua Apna Makaan Lagta Hai!
Mumkin: Possible
Jo Tu Nahi Tu Ye Mukammal Na Ho Sakegi,
Teri Yehi Ahmiyat Hai Meri Kahaniyon Mein!
Uthti Nahi Hai Aankh Kisi Aur Ki Taraf;
Paband Kar Gayi Hai Kisi Ki Nazar Mujhe!
Doosro Ko Hamari Sazayein Na De,
Chandni Raat Ko Bad-Duaein Na De!
Mujhse Na Pooch Meri Tanhai Ka Aalam,
Har Raat Mujh Pe Ek Qayamat Guzarti Hai!
Rishton Se Badi Chahat Kya Hogi, Dosti Se Badi Ibadat Kya Hogi;
Jise Dost Mil Jaye Aap Jaisa, Use Zindagi Se Shikayat Kya Hogi!