Maang Lun Tujh Se Tujhi Ko Ki Sabhi Kuch Mil Jaye;
Sau Sawalon Se Yahi Ek Sawal Achchha Hai!
Kirdar Dekhna Hai To Surat Na Dekhiye;
Milta Nahi Zameen Ka Pata Aasman Se!
Meri Koshish Ka Samar Hai Mukhtalif,
Pyaar Ka Us Par Asar Hai Mukhtalif;
Saari Duniya Mein Nahi Us Ki Misaal,
Sab Se Wo Rashk-e-Qamar Hai Mukhtalif!
*Mukhtalif: Different
Ghairon Se To Fursat Tumhein Din Raat Nahi Hai,
Haan Mere Liye Waqt-e-Mulaqat Nahi Hai!
Jahan-Zad Kaise Hazaron Baras Baad,
Ik Shehar-e-Madfun Ki Har Gali Mein;
Mere Jaam-o-Meena-o-Gul-Dan Ke Reze Mile Hain,
Ki Jaise Wo Is Shehar-e-Barbad Ka Hafiza Hon!
Zaroori Toh Nahi Jeene Ke Liye Sahara Ho,
Zaroori Toh Nahi Hum Jinke Hain Woh Humara Ho;
Kuch Kashtiyan Doob Bhi Jaya Karti Hain,
Zaroori Toh Nahi Har Kashti Ka Kinara Ho!
Koi Bhula Hua Chehra Nazar Aaye Shayad;
Aaina Ghaur Se Tune Kabhi Dekha Hi Nahi!
Har Ek Baat Pe Kehte Ho Tum Ki Tu Kya Hai,
Tum Hi Kaho Ki Ye Andaaz-e-Guftgu Kya Hai;
Na Sholay Mein Yeh Karishma, Na Barq Mein Ye Ada,
Koi Batao Ki Wo Shokh Tund Khu Kya Hai!
Nazr-e-Karam Mujh Par Itna Na Kar,
Ki Teri Mohabbat Ke Liye Baaghi Ho Jaaun;
Mujhe Itna Na Pila Ishq-e-Jaam Ki,
Main Ishq Ke Zehar Ka Aadi Ho Jaaun!
Ankhon Se Karen Kya Tunak Aabi Ki Shikayat;
Dil Hi Ke Lahu Se Kabhi Palkon Ko Bhigo Len!