Khuda Ka Kaam Hai Yun Marizon Ko Shifa Dena;
Munasib Ho To Ik Din Haathon Se Apne Dawa Dena!
Ab Yeh Bhi Nahin Theek Ki Har Dard Mita Dein;
Kuch Dard Kaleje Se Lagaane Ke Liye Hain!
Yahan To Umar Guzari Hai Mauje-Talaatum Mein;
Woh Koi Aur Honge Sair-e-Saahil Dekhne Waale!
Dil Geya Raunaq-e-Hayat Gayi;
Gham Geya Saari Qaaynaat Gayi!
Ranjish Hi Sahi:
Ranjish Hi Sahi Dil Hi Dukhane Ke Liye Aa,
Aa Phir Se Mujhe Chhod Ke Jane Ke Liye Aa;
Pehle Se Marasim Na Sahi Phir Bhi Kabhi Toh,
Rasm-o-Rahe Duniya Hi Nibhane Ke Liye Aa;
Kis-Kis Ko Batayenge Judaai Ka Sabab Hum,
Tu Mujh Se Khafa Hai Toh Zamane Ke Liye Aa;
Kuch To Mere Pindar-e-Mohabbat Ka Bharam Rakh,
Tu Bhi Toh Kabhi Mujh Ko Manane Ke Liye Aa;
Ek Umar Se Hun Lazzat-e-Giriya Se Bhi Mehrum,
Ae Rahat-e-Jaan Mujh Ko Rulane Ke Liye Aa;
Ab Tak Dil-e-Khushfaham Ko Tujh Se Hain Ummedein,
Yeh Aakhiri Shammen Bhi Bujhane Ke Liye Aa;
Mana Ki Mohabbat Ka Chipana Hai Mohabbat,
Chupke Se Kisi Roz Jatane Ke Liye Aa;
Jaise Tujhe Aate Hain Na Aane Ke Bahane,
Aise Hi Kisi Roz Na Jane Ke Liye Aa! ~ Ahmad Faraz
Udne De In Parindon Ko Aazad Fiza Mein Ghalib;
Jo Tere Apne Honge Woh Laut Aayenge Kisi Roz!
Dil Ki Barbaadiyon Pe Naajaa Hun;
Fateh Paa Kar Shikast Khayi Hai!
Betabiyaan Samet Ke Saare Jahaan Ki,
Jab Kuch Na Ban Saka Toh Mera Dil Bana Diya!
Yeh To Nahi Ki Tum Sa Jahan Mein Haseen Nahi,
Iss Dil Ko Kya Karun Yeh Behalta Kahin Nahi!
Ae Maut Aa Ke Hum Ko Khamosh Toh Kar Gayi Tu;
Magar Sadiyon Dilon Ke Andar, Hum Goonjte Rahenge!