Paani Se Bhari Aankhen Lekar Mujhe Ghoorta Hi Raha; Wo Aaine Mein Khada Shakhs Pareshan Bahut Tha!
Tera Wajud Gawahi Hai Mere Hone Ki; Main Apni Zaat Se Inkaar Kis Tarah Karta! * Wajud: Existence, Being, Life
Zulm Hai Gar Na Do Sakun Ki Daad; Qahar Hai Gar Karo Na Mujhko Pyaar!
Jis Ki Aankhon Mein Kati Thi Sadiyan; Us Ne Sadiyon Ki Judaai Di Hai!
Tere Aane Ki Kya Umeed Magar; Kaise Keh Dun Ki Intezar Nahi!
Is Liye Dil Bura Kiya Hi Nahi; Zindagi Mera Faisla Hi Nahi!
Ye Jaan Kar Bhi Ki Patthar Har Ek Haath Mein Hai; Jiyale Log Hain Sheeshon Ke Ghar Banate Hain! * Jiyale: Brave
Sikha Deti Hain Chalna Thokarein Bhi Raahgiron Ko; Koi Raasta Sada Dushwaar Ho Aisa Nahi Hota!
Yaad Aayi Wo Pahli Barish; Jab Tujhe Ek Nazar Dekha Tha!
Ulfat Mein Barabar Hai Wafa Ho Ki Jafa Ho; Har Baat Mein Lazzat Hai Agar Dil Mein Maza Ho! *Jafa: Violence, Injustice *Lazzat: Taste, Flavour