Lamhe Ye Suhane Saath Ho Na Ho;
Kal Me Aaj Jaisi Koi Baat Ho Na Ho;
Aapka Pyar Hamesha Is Dil Mei Rahega;
Chahe Poori Umar Mulaqat Ho Na Ho!
Tere Bina Sada Ki Wajood Hona;
Heere Han Kakha Bhah Asi Rull Jaana;
Chah Ke Vi Asi Kehra Tere Ho Jaana;
Ik Maari Hoi Laash Haan Mai;
Asi Kehra Jeondeyan Ch Ho Jaana!
Bohat Khaamosh Jo
Bohat Khaamosh Jo Baithaa Huaa Hai;
Vo Yakja Hai Magar Bikhraa Huaa Hai;
Baraa Nadaan Hai, Bahkaa Huaa Hai;
Ye Aadam Khuld Ka Bigraa Huaa Hai;
Udhar Jaana Nahiin Hotaa Hai Varnaa;
Falak Tak Raastaa Dekhaa Huaa Hai;
Kisi Kaa Haath Bhi Pohncha Na Us Tak;
Ye Sar Uunchii Jagah Rakhaa Huaa Hai;
Ba-Zaahir Is Qadar Masuum Hai Voh;
Ki Jaise Aaj Hi Paidaa Huaa Hai;
Khazaana Khud Baraa Hai Jaan-Lewaa;
Ye Us Par Saanp Kyuun Baithaa Huaa Hai;
Dilaasa Dil Yuun Detaa Hai Ki Jaise;
Ki Yahii Ek Meherbaan Piadaa Huaa Hai!
Translation:
Yakjaa = Intact, stable
Khuld = Heaven, the other world
Falak = Sky
Saaz Yeh Keena Saaz Kya Jaane;
Naaz Waale Niyaaz Kya Jaane!
Main Bhi Moonh Mein Zabaan Rakhta Hoon;
Kash Poochho Ke Mudda'a Kya Hai!
Dosti Se Kimati Koi Jageer Nahi Hoti;
Dosti Se Khubsurt Koi Tasveer Nahi Hoti;
Dosti Yoon Toh Kacha Dhaga Hai Magar;
Is Dhage Se Majboot Koi Zanjeer Nahi Hoti!
Jada Farak Ni Rakheya Rabb Ne Sade Doha Vich;
Usnu Chaun Vale Bohut Ne Te Mainu Thukaron Vale Bahut Ne!
Ek Moamma Hai Samajhne Ka
Ek Moamma Hai Samajhne Ka, Na Samjhaane Kaa;
Zindagii Kaahe Ko Hai, Khwaab Hai Diivaane Kaa;
Khalq Kahtii Hai Jise Dil Tere Diivaane Kaa;
Ek Gosha Hai Yeh Duniyaa Isii Viiraane Kaa;
Mukhtasar Qissa-e-Gham Ye Hai Ki Dil Rakhta Huun;
Raaz-e-Kaunain Khulaasa Hai Is Afsaane Kaa;
Tumne Dekhaa Hai Kabhii Ghar Ko Badalte Hue Rang;
Aao Dekho Na Tamaasha Mere Gham-Khaane Kaa;
Dil Se Ponhchii To Hai Aankhon Men Lahuu Kii Buunden;
Silsila Shiishe Se Miltaa To Hai Paimaane Kaa;
Hamne Chhaanii Hai Bohat Dair-O-Haram Kii Galiyaan;
Kahiin Paaya Na Thikaana Tere Diivaane Ka;
Har Nafs Umr-e-Guzishtaa Ki Hai Mayyat Faani;
Zindagi Naam Hai Mar Mar Ke Jiye Jaane Kaa!
Imaan Mujhe Roke Hai Jo Khiche Hai Mujhe Kufr;
Ka'aba Mere Peechhe Hai Kaaisa Mere Aage!
Kya Jaaniye Kya Hai Tere Bimaar Ki Haalat;
Isa Bhi Yeh Kehte Hain Ke Hai Waqt Dua Ka!