Har Ek Gham Pe Ranj-e-Safar Uthate Hue;
Main Aa Pada Hun Yahan Tujh Se Door Jaate Hue!
Chalo Wo Aankh Mein Paani To De Gaya Varna;
Ye Saans Andhe Kuen Mein Sada Si Lagti Thi!
Achcha Hai Ki Laga Nahi Unhen Pyaar Ka Rog;
Aate Aate Aayenge Raah Pe Agle Log!
Soona Soona Dil Ka Mujhe Nagar Lagta Hai;
Apne Saaye Se Bhi Aaj To Darr Lagta Hai!
Khwab Ka Rishta Haqeeqat Se Na Joda Jaye;
Aaina Hai Ise Patthar Se Na Toda Jaye!
Ghutan Si Hone Lagi Us Ke Paas Jaate Hue;
Main Khud Se Rooth Gaya Hun Use Manaate Hue!
Keh Do In Hasraton Se Kahin Aur Ja Basen;
Itni Jagah Kahan Hai Dil-e-Dagh-Dar Mein!
Bin Baat Ke Hi Roothne Ki Aadat Hai,
Kisi Apne Ka Saath Paane Ki Chahat Hai;
Aap Khush Rahe Mera Kya Hai,
Main To Aaina Hu, Mujhe Tootne Ki Aadat Hai!
Tumhare Pass To Phir Bhi Tum Ho;
Mere Pass To Main Bhi Nahi!
Dil Ke Zakhmon Par Mat Ro Mere Yaar;
Waqt Har Zakhm Ka Marham Hota Hai!
