Rusva Hue Zaleel Hue Dar-Ba-Dar Hue;
Haq Baat Lab Pe Aayi To Hum Be Hunar Hue!
Kahun Kis Se Main Ki Kya Hai Shab-e-Gham Buri Bala Hai;
Mujhe Kya Bura Tha Marna Agar Ek Baar Hota!
Patthar Ke Jigar Walo Gham Mein Wo Ravani Hai;
Khud Raah Bana Lega Behta Hua Paani Hai!
Kise Apna Banayein Koi Is Qabil Nahi Milta;
Yahan Patthar Nahut Milte Hain Lekin Dil Nahi Milta!
Jaane Kis Mod Pe Le Aayi Humein Teri Talab;
Sar Pe Sooraj Bhi Nahi Raah Mein Saaya Bhi Nahi!
Kah Raha Hai Shor-e-dariya Se Samundar Ka Sukut;
Jis Ka Jitna Zarf Hai Utna Hi Vo Khamosh Hai!
* Sukut - Silence
* Zarf - Vase, Capability
Jo Log Maut Ko Zaalim Qarar Dete Hain;
Khuda Milaye Unhein Zindagi Ke Maaron Se!
Mujhe Khabar Nahi Gham Kya Hai Aur Khushi Kya Hai;
Ye Zindagi Ki Hai Surat To Zindagi Kya Hai!
Zindagi Kya Kisi Muflis Ki Qaba Hai Jis Mein;
Har Ghadi Dard Ke Paiband Lage Jaate Hain!
Layi Hai Kis Muqaam Pe Ye Zindagi Mujhe;
Mehsoos Ho Rahi Hai Khud Apni Kami Mujhe!