Zindagi Kya Kisi Muflis Ki Qaba Hai Jis Mein;
Har Ghadi Dard Ke Paiband Lage Jaate Hain!
Layi Hai Kis Muqaam Pe Ye Zindagi Mujhe;
Mehsoos Ho Rahi Hai Khud Apni Kami Mujhe!
Yeh Kis Muqaam Pe Thehra Hai Kaarwan-e-Wafa;
Na Roshni Ki Kiran Hai Kahin Na Taaza Hawa!
Wo Nahi Bhoolta Jahan Jaun;
Haaye Main Kya Karun Kahan Jaun!
Dil Ki Nazuk Dhadkano Ko Mere Sanam Tumne Dhadkana Sikha Diya;
Jab Se Mila Hai Tera Pyaar Dil Ko Gham Mein Bhi Muskurana Sikha Diya!
Zindagi Ek Haadsa Hai Aur Kaisa Haadsa;
Maut Se Bhi Khatam Jis Ka Silsila Hota Nahi!
Yeh Alag Baat Hai Ki Dikhai Na De, Par Shamil Zaroor Hota Hai;
Khudkushi Karne Wale Ka Bhi, Koi Na Koi Qatil Zaroor Hota Hai!
Dafn Se Pehle Nabz Jaanch Lena Sahab;
Kalakar Umda Hai, Kahin Kirdar Mein Na Ho!
Zuban Dil Ki Haqeeqat Ko Kya Bayaan Karti;
Kisi Ka Haal Kisi Se Kaha Nahi Jaata!
Barbaad Kar Diya Humein Pardes Ne Magar;
Maa Sab Se Keh Rahi Hai Ki Beta Maze Mein Hai!
