Koi Shai Dil Ko Bahlati Nahi Hai; Pareshani Ki Rutt Jaati Nahi Hai! *Shai: Things/Objects
Ja Baithe Nadi Kinare Raat Aur Main; Donon Ik Duje Ke Sahare Raat Aur Main!
Hamare Haath Se Wo Bhi Nikal Gaya Aakhir; Ki Jis Khayal Mein Hum Muddaton Se Khoye The!
Mere Dukh Ki Dawa Bhi Rakhta Hai;
Khud Ko Mujh Se Juda Bhi Rakhta Hai!
Tum Jo Hote To Baat Kuch Hoti; Ab Ki Barish To Sarf Paani Hai!
Main Na Kehti Thi Udaasi Ke Siwa Kuch Bhi Nahi; Aap Ne Dekha Mera Veeran Ghar Kaisa Laga!
Tujh Se Ab Aur Mohabbat Nahi Ki Ja Sakti; Khud Ko Itni Bhi Aziyyat Nahi Di Ja Sakti! *Aziyyat: Trouble, Torment, Difficulty
Samjha Liya Fareb Se Mujh Ko To Aap Ne; Dil Se To Puch Lijiye Kyun Be-Qarar Hai!
Meri Rusvai Ke Asbab Hain Mere Andar; Aadmi Hun So Bahut Khwab Hain Mere Andar!
Bas Ik Jhijhak Hai Yahi Hal-e-Dil Sunane Mein;
Ki Tera Zikr Bhi Aayega Is Fasane Mein!
