Yeh Dil Bura Sahi Magar Sar-e-Bazaar To Na Keh;
Aakhir Tu Is Makaan Mein Kuch Din Raha To Hai!
Unka Bharosa Mat Karo Jinka Khayal Waqt Ke Sath Badal Jaye;
Bharosa Unka Karo Jinka Khayal Vaise Hi Rahe Jab Aapka Waqt Badal Jaye!
Majlis Mein Mere Zikr Ke Aate Hi Uthe Woh;
Badnami-e-Ushshaq Ka Ezaz To Dekho!
Mohabbat Yahan Bikti Hai Ishq Nilaam Hota Hai;
Bharose Ka Katal Yahan Khule Aam Hota Hai;
Zamaane Se Mili Jab Thokar To Maikhaane Chale Gaye Hum;
Aaj Wahi Zamaana Humein Sharabi Ka Naam Deta Hai!
Dil Tod Kar Hamara Tumko Rahat Bhi Na Milegi;
Hamare Jaisi Tumko Kahin Chahat Bhi Na Milegi;
Yun Itni Berukhi Na Dikhlaiye Humein;
Hum Agar Ruthe To Hamari Aahat Bhi Na Milegi!
Safar Mein Koi Kisi Ke Liye Theharta Nahi;
Na Mud Ke Dekha Kabhi Sahilon Ko Dariya Ne!
Bane Hain Ahal-E-Hawas Muddai Bhi Munsif Bhi;
Kise Vakeel Karein Kisse Munsifi Chaahen!
Lipta Hai Mere Dil Se Kisi Raaz Ki Maanind;
Woh Shakhs Jis Ko Mera Hona Bhi Nahin Hai!
Aaina Dekh Apna Sa Munh Le Ke Reh Gaye;
Sahab Ko Dil Na Dene Pe Kitna Guroor Tha!
Ab Shikayat Tujh Se Nahi Khud Se Hai;
Maana Ki Sare Jhooth Tere The Par Un Pe Yaqeen To Mera Tha!
