Wohi Ahal-e-Karwan Hain Wohi Be Hisi Ka Alam;
Na Kisi Ko Manzil Na Gham-e-Shikasta Pani!
Jise Khud Se Hi Nahin Furstein; Jise Khayal Apne Kamaal Ka; Useh Kya Khabar Mere Shaunq Ki; Useh Kya Pata Mere Haal Ka!
Umeed To Manzil Pe Pahunchne Ki Bari Thi;
Taqdeer Magar Janay Kahan Soyi Parri Thi;
Khush They Ke Guzarein Gey Rafaqat Mein Safar Ab;
Tanhayee Magar Baahon Ko Phir Kholey Khari Thi!
Sun Kar Tamaam Raat Meri Dastaan-e-Gham;
Boley To Sirf Yeh Ke Bahut Boltey Ho Tum!
Bana Ghulab To Kaante Chubaa Geya Ek Shakhs;
Hua Chiragh To Ghar Hi Jala Geya Ek Shakhs!
Dekh Kaisi Qayamat Si Barpa Hui Hai Aashiyanon Pe Iqbal;
Jo Lahoo Se Tameer Hue The, Paani Se Bah Gaye!
Teri Banda Parwari Se Mere Din Guzar Rahe Hain;
Na Gila Hai Doston Ka, Na Shikayat-e-Zamana!
Bikhri Kitaabein, Bheege Auraaq Aur Yeh Tanhai;
Kahoon Kaise Ke Mila Mohabbat Mein Kuch Bhi Nahi!
Qasam De Ke Apni Tujhe Rok Ley Ga;
Teri Laghzishon Pe Tujhe Tok De Ga;
Tu Murr Murr Ke Piche Kise Dekhta Hai;
Tera Kaun Hai Jo Tujhe Rok Le Ga!
Translation:
Laghzishon = Deviating
Kabhi Pathar Se Bhi Takraye To Kharaash Tak Na Aye;
Kabhi Ik Baat Hi Se Insaan Toot Ke Bikhar Jatey Hain!
