Taras Jaoge Hamaare Labo Se Sunn Ne Ko Ek Ek Lafz;
Pyaar Ki Baatein To Kya, Hum Shakayat Bhi Nahi Karenge!
Nigahon Pe Nigahon Ke Pehre Hote Hain;
Nigahon Ke Ghav Bhi Gehre Hote Hain;
Na Jaane Kyun Koste Hain Log Badsurton Ko;
Barbaad Karne Wale To Khoobsurat Chehre Hi Hote Hain!
Tu Milke Bhi Na Milaa;
Tujhe Pa Ke Bhi Na Paya;
Mein Adhuri Reh Gai;
Jab Tera Saaya Mujhe Na Nazar Aya!
Kahan Talaash Karoge Tum, Mujh Jaisa Shakhs;
Jo Tumhare Sitam Bhi Sahe Aur Tum Se Mohabbat Bhi Kare!
Itna Na Tarpao Ke Koi Gunaah Kar Loon Main;
Phir Na Kehna Ke Kyun Barbaad Kiya Khud Ko, Meri Muhabbat Ke Liye!
Bin Mangay Hi Mil Jati Hain Tabeerain Kisi Ko Faraz;
Koi Khali Hath Reh Jata Hai, Hazaaron Duaoon Ke Baad!
Maine Hi Seekhaya Tha Usse Teer Chalana;
Ab Mere Siwa, Uss Ka Koi Nishaana Bhi Nahi!
Uski ankho me nazar ata tha sara jahan mujhko;
Magar uski ankhon me khud ko kabhi dekha hi nahi.
Hum bhi bikne gaye the bazaar-e-ishq mein,
Kya pata tha wafa karne walon ko log khareeda nahi karte.
Chaand To Nikla Hai Magar Yeh Raat Na Hai Pehli Si;
Yeh Mulaaqaat, Mulaaqaat Na Hai Pehli Si;
Ranjh Kuchh Kum To Hua Aaj Teray Milne Se;
Yeh Alag Baat Ke Yeh Baat Na Hai Pehli Si!
