Aafat To Hai Woh Naaz Bhi, Andaz Bhi Lekin;
Marta Hun Main Jis Par, Woh Ada Aur Hi Kuch Hai!
Husn Ki Chahat Mein Ishq Ko Humne Thukra Diya;
Husn Ne Yehi Silsila Hamari Zindagi Mein Dohra Diya!
Meri Nigah-E-Shauq Bhi Kuch Kam Nahi Magar,
Phir Bhi Tera Shabab Tera Hi Shabab Hai!
Koi Aag Jaise Kohre Mein Dabi Dabi Si Chamke;
Teri Jhilmilati Aankhon Mein Ajeeb Sa Samaa Hai!
Tu Dekh Ya Na Dekh, Tere Dekhne Ka Gham Nahi;
Par Teri Ye Na Dekhne Kee Ada Dekhne Se Kam Nahi!
Sirf Aankhon Ko Dekh Ke Kar Li Unse Mohabbat;
Chhod Diya Apne Muqaddar Ko Uske Naqaab Ke Peeche!
Chaand Sa Jab Kaha To Gila Karne Lage;
Bole, Chaand Kahiye Na, Chaand Saa Kya Hai!
Tere Deedar Pe Agar Mera Ikhtiyar Hota,
Yeh Roz Roz Hota Aur Baar Baar Hota!
Badi Aarzoo Thi Mohabbat Ko Benaqab Dekhne Ki,
Dupatta Jo Sarka To Zulfein Deewar Ban Gayi!
Naqab To Unka Sir Se Lekar Paanv Tak Tha,
Magar Aankhein Bayaan Kar Rahi Thi Ki Mohabbat Ki Shaukeen Wo Bhi Thi!
